Yeshaya 1:18 - MUKANDA WA MYIDI MUKULU

¹⁸ Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

Yeshaya 1:18 교차 참조

Yobe 9:33

Kakuena muntu udi mua kuimana pankatshi petu, bua kutulumbuluisha bonsu babidi, kukosa nsambu yetu.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Misambu 51:9

Ukupule bubi buanyi, ungoweshe, ntoke zezeze. Nanku tshiakuikala kabidi muena tshibawu.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 3:13

Maweja-Nangila mmujuke bua kukosa nsambu. Udi muimane kulu bua kulumbuluisha tshisamba tshiende.

Yeshaya 41:1

Maweja-Nangila udi wamba ne: Nuenu bantu badi base kule, puwayi, nunteleje. Nuenu bisamba bia bantu, koleshayi muoyi. Semenayi pabuipi! Nenushishe kuakula. Eyowa, tusemenayi, nuenu ne meme, bua kubanga tshilumbu.

Yeshaya 41:21

Maweja-Nangila, mukalenga wa Yakobe, udi wamba ne: Nuenu mvidie ya bukua matunga, fikayi, nudilumbuluile, nutuleje binuvua benze.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Yeshaya 50:8

Bualu Maweja-Nangila udi nanyi. Yeye ke udi mumbingishe. Muntu udi ukimina kumbanda tshilumbu nnganyi? Afike, tuye nende kudi ndumbulula! Amfunde, adileje patoke, meme mumumone!

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yezekiyele 18:27

Kadi muntu mubi udi ulekela kuenza malu mabi, ubanga kulonda njila wa buakane, neadisungidile.

Yezekiyele 33:16

Nebapue bilema biende muoyi. Neapete muoyi bualu udi ulonda njila wa malu mimpe.

Mika 6:2

Nuenu mikuna minene, telejayi, nuenu bitaku bidi kabiyi binyunga, bidi buloba bueyemena. Maweja-Nangila udi ufunda bantu bende ku tshilumbu. Udi musue bua baleje patoke bivuabu benza.

Bienzedi 17:2

Bilondeshile tshibidilu tshiende, Polu kubuela mu nzubu wa kutendelela awu. Matuku a Dikisha a mbingu isatu milondangane, Polu ne bantu bavua mu nzubu awu, kuelanganabu meji pa Mikanda ya tshijila.

Bienzedi 18:4

Dituku dionsu dia Dikisha, Polu uvua ulongesha mu nzubu wa kutendelela, usonsola bena Yuda ne bena Ngreke, bua bitabe Mvidi Mukulu.

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

1 Samuele 12:7

Nanku mpindiewu, imanayi kumpala kua Maweja-Nangila. Meme ndi musue kunufunda kudiye. Diambedi, ndi musue kunuvuluija malu mimpe onsu adi Maweja-Nangila munuenzele nuenu ne bankambua benu.