Yeshaya 1:15 - MUKANDA WA MYIDI MUKULU

¹⁵ Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nunku, hanuolola bianza bienu kundi, nensokoke mesu anyi kunudi; e, hanuantendelela ne mitendelelu ya bungi mene, tshiena nnunvuila; bianza bienu bidi biule tente ne mashi.

Yeshaya 1:15 교차 참조

1 Bakalenga 8:22

Pashishe, Shelomu kuimana kumpala kua tshilambuilu tshia Maweja-Nangila, muele bianza mulu, bena Izrayele bonsu batangila. Uvua utendelela Maweja-Nangila,

1 Bakalenga 8:54

Pavua Shelomu ulomba, utendakena Maweja-Nangila, uvua anu mutue binu kumpala kua tshilambuilu, muele bianza mulu. Mamane kujikija kutendelela, kujukaye,

Ezela 9:5

Dilolu, diba dia kulambula milambu dikumbana, meme kumuka muaba umvua nsomba mubungame. Ntshivua ne tshinkutu tshianyi ne bilamba bianyi bimvua mupande. Meme kutua binu panshi, kuela bianza mulu kudi Maweja-Nangila Mvidi Mukulu wanyi,

Yobe 27:20

Bowa budi bubakuata bu mudi mayi apasalala. Butuku, lupepele lukole lua mvunde ludi lubapepula luya nabu.

Yobe 35:13

Nansha tuetu bela mbila, Mvidi Mukulu wa bukole buonsu kena utumvua, kena ututeleja ne ntema to.

Misambu 134:2

Ololayi bianza bienu ku muaba wa tshijila, nuele Maweja-Nangila tuasakidila.

Misambu 55:1

Musambu wa mu mukanda wa mulombodi wa bena misambu. Wa kuimba ne nzenze. Kasala ka mu mukanda wa misambu ya Davide.

Misambu 66:18

Bu meme ne meji mabi munda, Mvidi Mukulu kavua mua kunteleja to.

Ekesode 9:29

Moshe kumuandamuna ne: — Pangumuka mu musoku emu, nengele bianza mulu kudi Maweja-Nangila bua mvula wa makubakuba ne mabue akamuke. Nanku neujadike ne: buloba buonsu mbua Maweja-Nangila.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Yeshaya 45:15

Mvidi Mukulu wa bena Izrayele, udi upandisha bantu, wewe udi Mvidi Mukulu udi udisokoka bulelela!

Yeshaya 58:4

Nudi nutandangana, nukumangana. Panudi nujila biakudia mushindu ewu, mundi meme mua kuteleja dindomba dienu mmunyi?

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.

Yeshaya 8:17

Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.

Yirmeya 11:11

Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Yirmeya 4:31

Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

Yezekiyele 11:6

Nudi bashipe bantu ba bungi mu tshimenga emu. Mu njila yonsu mudi anu bitalu tente.

Yezekiyele 14:3

— Yezekiyele, muoyi wa bantu abu udi amu ku mvidie yabu mibi indi mbenga, idi ibafikisha ku bubi. Nanku, badi bela meji ne: ndi mua kuandamuna ku nkonku yabu anyi?

Yezekiyele 39:23

“Maweja-Nangila udi wamba ne: Bisamba bikuabu nebiumvue ne: bena Izrayele bavua baye mu bupika bua bubi buvuabu bangenzela. Ke mumvua tshiyi kabidi nabu ne bualu to. Meme kubalekela mu bianza bia baluishi babu, bua babashipe bonsu mu mvita.

Osheya 5:6

Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Matayi 6:7

— Panudi nutendelela, kanuambi meyi mapite bungi, bu mudibu benza kudi bantu ba bisamba bikuabu. Badi bela meji ne: bua Mvidi Mukulu atuteleje, anu tuetu bambe meyi mavule.

Yowanane 9:31

Tudi bamanye ne: Mvidi Mukulu kena uteleja benji ba malu mabi. Kadi udi uteleja muntu udi umunemeka, ukumbaja bidiye musue.

1 Timote 2:8

Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.