Yeshaya 1:13 - MUKANDA WA MYIDI MUKULU

¹³ Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kanulu kabidi ne milambu ei ya hatuhu; muishi wa musenga wa manananshi wakuntonda. Disanka dia ngondo muhia-muhia ne dia lumingu ne kubikila kua masangisha, mmalu adi atondesha mutshima wanyi. Ebu mbualu bubi; tshiena mua kutukisha ne lutulu bua malu mabi ne bua disangisha dia tshijila.

Yeshaya 1:13 교차 참조

2 Bakalenga 4:23

Bayende kumukonka ne: — Udi uya kudi muambi lelu bua tshinyi? Ki ndituku dia tshibilu tshia ngondu mupiamupia, nansha dituku dia Dikisha mene! Mukaji kuandamuna ne: — Kupampakanyi to!

1 Kulondolola 23:31

nangananga misangu yonsu idibu bamulambula milambu ya kuosha, dituku dia Dikisha, dituku dia kumpala dia ngondu, nansha matuku makuabu a bibilu. Diba dionsu badi ne bua kukumbaja midimu yabu kumpala kua Maweja-Nangila, bantu bikale bungi bukumbane buvuabu babafundile.

Misambu 78:40

Mmisangu bungi munyi kuabu bamutombokele mu tshipela! Mmisangu bungi munyi kuabu bamunyingalaje mu muaba awu uvua kauyi mayi!

Ekesode 12:16

Dituku dia kumpala ne dituku dia muanda mutekete, ikale matuku a kuenza masangisha a tshijila. Matuku awu kanuenji midimu mikuabu to, anu ya kulamba biakudia.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Nsumuinu 7:14

“Mvua mulaye Mvidi Mukulu milambu ya kumuela tuasakidila. Ndi mumulambulayi lelu.

Yeshaya 66:23

Maweja-Nangila udi wamba ne: Nenku ku ngondu ku ngondu, dituku dia Dikisha dionsu, bantu ba pa buloba bujima nebafike bua kuntendelela.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Muadi 2:6

Kutulaye lupangu lua nzubu wende, kunyangaye muaba uvuaye usambakena netu. Maweja-Nangila kupesha bena Siyone tshipua muoyi tshia matuku a disanka ne tshia dituku dia Dikisha. Kulejaye tshiji tshiende: kupetulaye bakalenga, ne batuangaji kabidi.

Yezekiyele 20:39

Meme Maweja-Nangila Mvidi Mukulu, ndi nnuambila ne: Nuenu bena Izrayele, muntu yonsu wa kunudi, nansha yeye mukukuile mvidie yende mibi indi mubenge, kadi dikuabu dituku nenuikale anu ne tshilumbu tshia kungitaba. Nenulekele kupepeja dina dianyi dia tshijila, nulekele kulambula mvidie milambu.

Osheya 2:11

Nanku, tshikondu tshia dinowa, nemmunyenge ntete yanyi ya kuenza bukula imvua mumupeshe. Tshikondu tshia kupola tumuma tua mvinyo, nemmunyenge maluvu anyi a mvinyo, amvua mumupeshe. Nemmunyenge kabidi bilamba bia ndanda, ne bia boya bua nyama, bimvua meme mumupeshe bua kuvualaye.

Yowele 1:14

Nuele diyi bua bantu bajile biakudia, nubueje tshisangilu tshinene, nusangishe bakulu, ne bantu bakuabu bonsu ba mu ditunga, bafike mu nzubu wa Mvidi Mukulu wetu, bamusengelele bua atuambuluishe.

Yowele 2:15

Elayi mpungi mu Siyone, nuele diyi bua bantu bajile biakudia, nubueje tshisangilu tshinene.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Malaki 1:10

Bivua mua kuikala bimpe, bua muntu wa munkatshi muenu, akange biibi bia ku nzubu wa Mvidi Mukulu, bua kanutemeshi kabidi kapia pa tshilambuilu tshianyi. Bualu kanuena ne tshia nsongu tshinudi nuenzamu. Bualu meme Maweja-Nangila wa bukole buonsu ndi njadika ne: tshiena nsanka bua kunumona. Milambu inudi nundambula kayena indengelela nansha.

Dibadika 10:2

— Wenzeje mpungi ibidi ya tshiamu tshitoke tshia mushinga mukole bua kubikila nayi bantu, nansha bua kubamanyisha diba didi tshiluilu tshionsu mua kubanga luendu.

Matayi 15:9

Padibu bantendelela, kabena bapeta tshintu, bualu bidibu balongesha, bidi amu mikenji ya bantu.

Luke 11:42

“Nuenu Baparushe, nudi bena diakabi! Nudi nulambula tshia dikumi tshia bia mu madimi enu, tshia tshiluabenyi, tshia tshikote, nansha tshia bisekiseki bishilangane bikuabu. Kadi kanuena basue kuenzela bantu bimpe, nansha kunanga Mvidi Mukulu. Ke binuvua ne bua kuenza ebi, kanuyi nulengulula bikuabu abi.

1 Korente 11:17

Bua bindi mua kunulongesha mpindiewu, tshiena mua kunuela kalumbandi to. Bualu bisangilu bienu bia ditendelela kabiena binulengelela, kadi bidi binuenzela bibi.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

Filipe 1:15

Bushuwa bamue ba kudibu badi balongesha Kristu, bualu badi bantekela lubabu, bankebela bilumbu. Kadi bakuabu badi bamulongesha amu ne muoyi muimpe.