Yakobe 5:3 - MUKANDA WA MYIDI MUKULU

³ Biamu bienu bia mpawungi, ne biamu bienu bitoke bia mushinga mukole mbikuate dimoma. Dimoma edi nedinupishe, dioshe mubidi wenu bu kapia. Tukadi matuku a nshikidilu. Nutshidi amu nukungija biuma!

Mukanda wa Nzambi Dihungila Dikulukulu ne Dihungila Dihia-dihia 2003

³ Ngolo yenu ne argent yenu yakukuatshibua mamoma; mamoma ai neikale tshimanyishilu kunudi, neadie mibidi yenu bu kahia. Nuakudibutshila bintu mu matuku a kunshikidilu.

Yakobe 5:3 교차 참조

Genese 31:48

Labane kuamba ne: — Biangatshile ku lelu, mushiki wa mabue ewu udi ujadika ndondu udi pankatshi petu nebe. Ke padibu babikila muaba awu ne: Ngalede. Mmumue ne: mushiki wa mujadiki.

Genese 31:52

Mushiki wa mabue ne dibue edi bidi bijadika ne: Meme ne wewe katuena mua kusambuka mabue aa ne meji a kuenzelangana bibi to.

Genese 49:1

Yakobe kubikila bana bende bonsu, ubambila ne: — Semenayi pabuipi, unumanyishe malu adi mua kunuenzekela matuku adi kumpala aa.

Yobe 16:8

Wewe kunduisha, nkadi munyane bikole, mubidi mmushale amu mifuba pa mifuba nkayayi. Ke padi bantu bantangile bu muena tshibawu.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Yirmeya 19:9

Baluishi, bantu badi kabayi ne luse, nebakuate tshimenga. Nebakengeshe bantu bikole bipite. Nanku benatshi nebadie minyinyi ya bana bavuabu balele. Nebadiangane bobu nkayabu!”

Mika 3:3

Nudi nudia munyinyi wa bantu banyi. Nudi nuvula dikoba diabu, nuzaza mifuba yabu, nukosa munyinyi wabu mabulu mabulu, bu mudibu bakosa munyinyi udibu bela mu luesu.

Mika 4:1

Dituku nedifike, didi mukuna, muaba udibu base nzubu wa Mvidi Mukulu, upita mikuna mikuabu yonsu. Nebaushindike bikole. Bisamba bia bantu nebipuilemu bia bungi.

Bienzedi 2:17

“Mvidi Mukulu udi wamba ne: matuku a nshikidilu, nentumine muntu yonsu Mueyelu wanyi. Bana benu ba balume ne ba bakaji nebambe malu anyi. Nendeje bansonga benu malu. Banunu benu nebalote ndota.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

2 Timote 2:17

Bidibu balongesha bidi bu mputa mubole udi udiunda amu kudiunda. Mu bantu ba nanku mudi Imeneya, ne Filete.

Yoshua 24:27

Pashishe kuambilaye bena Izrayele ne: — Monayi dibue edi: neditujadikile bualu ebu, bualu nditeleje malu onsu adi Maweja-Nangila mutuambile. Eyowa, dibue edi nedikale tshimanyinu tshidi tshinutuisha, tshinukandika bua kanulekedi Mvidi Mukulu wenu.

2 Petro 3:3

Bangabanga numanye ne: matuku a nshikidilu nekupatuke bantu badi balonda amu majinga abu. Nebanuseke, banuebeja ne:

Didimanyisha 17:16

Kadi nsengu dikumi iuvua mumone, kabidi ne nyama, nebikine mukaji muena buendenda. Nebimunyenge bionsu bidiye nabi, bimushiye butaka. Nebidie munyinyi wende, bibutule biende bidi bishala mu kapia.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.