Yakobe 5:15 - MUKANDA WA MYIDI MUKULU

¹⁵ Panudi ntendelela ne ditaba, Mvidi Mukulu neapandishe mubedi, amupingajile bukole bua mubidi, ajimije mibi yende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ ne kulomba kudi ne ditabusha neasungile muena disama, ne Mukelenge neamubishe; ne bikaleye muenze bualu bubi, Nzambi neamubuikidile bubi buandi.

Yakobe 5:15 교차 참조

Yeshaya 33:24

Mu Yerushalayime kamuakuikala muntu, udi wamba ne: “Ndi nsama”. Bualu bantu ba mu thimenga atshi, mbamane kubafuila luse bua tshilema tshiabu.

Matayi 17:20

Ke Yezu kubandamuna ne: — Bualu ditaba dienu kadiena dikumbane to. Ndi nnujadikila bulelela ne: bu nuenu ne ditaba bunene bua lutete lua mutshi wa lusanga, malu onsu adi anuteketela. Diba adi, nenutumine mukuna ewu diyi ne: “Umuke apa, uye papa,” mukuna kuya! [

Yowanane 5:14

Pashishe Yezu kusambakena ne muntu awu mu nzubu wa Mvidi Mukulu. Kumuambilaye ne: — Teleja. Disama diebe ndijike mpindiewu. Kuenji bualu bubi kabidi, bua bualu bupite bubi kabukukuatshi nansha.

Yowanane 6:39

Tshidi udi muntume musue ntshiotshi etshi: bua tshijimiji muntu nansha umue wa ku bantu badiye mumpeshe, kabidi bua mbabishe bonsu ku lufu, bapete muoyi dituku dia nshikidilu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

2 Korente 4:14

Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.

Yakobe 1:6

Kadi aalombe ne ditaba, kayi wela mpata. Bualu muntu udi wela mpata mmufuanangane ne mavuala a mayi manene adi lupepele lujula, lutuma eku ne eku.

Yakobe 5:13

Padi umue wa kunudi ne dikenga, atendelele. Padiye ne disanka, imbe musambu, atumbishe Mvidi Mukulu.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Yakobe 5:20

mmanye ne: muntu udi mupingaje muena bubi mu njila muimpe, neamusungidile ku lufu, kabidi mibi yende mivule neyijimine.