Yakobe 2:25 - MUKANDA WA MYIDI MUKULU

²⁵ Ke muvua Mvidi Mukulu mubingishe kabidi Rakabe, mukaji muena tshiendenda, bua bivuaye muenze. Bualu uvua muakidile bimpe batentekedi ba bena Yuda, mubanyemeshile ku njila mukuabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Muomumue kabidi, Lahaba, mukashi wa masandi, kakabingishibua ku kuenza kuandi, bualu bua yeye wakangata bamisheshe, wakabatuma mu nshila mukuabo, anyi?

Yakobe 2:25 교차 참조

Matayi 1:5

Salmone ne mukajende Rakabe kulela Bowaze. Bowaze ne mukajende Rute kulela Obede. Obede kulela Ishayi.

Matayi 21:31

Ku bana babidi aba, udi muenze tshivua tatuende musue nnganyi? Kumuandamunabu ne: — Anu muana wa kumpala. Nanku Yezu kubambila ne: — Ndi nnujadikila bulelela ne: balambuishi ba bitadi, ne bakaji bena buendenda, nebanudianjidile mu Bukalenga bua Mvidi Mukulu.

Bienzedi 17:7

Yazone mmubateke kuende! Buonsu buabu badi benza bidi bibengangana ne meyi ne mikandu bia mukalenga wa bakalenga, bualu badi bamba ne: kudi mukalenga mukuabu, diende Yezu!

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”

Yakobe 2:22

Udi mumone ne: ditaba dia Abrahame ne bivuaye muenze bidi bienda pamue. Ditaba diende divua dienda dishindama tshishiki ku malu avuaye wenza.

Yakobe 2:24

Nanku nudi numona ne: Mvidi Mukulu udi ubingisha muntu bua malu adiye wenza, ki mbua ditaba nkayadi to.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Yoshua 2:15

Nzubu wa Rakabe uvua mutuangane ne tshimana tshia tshimenga. Nanku kupatulaye bantu babidi abu ku madidishi, ubapuekeshila ku muonji.

Yoshua 2:16

Kubambilaye ne: — Ndayi kusokoma mu mikuna, bua bantu badi banukeba abu kabanukuatshi to. Nushale ku mikuna aku matuku asatu, too ne papingana badi banukeba abu. Pashishe nenutungunuke ne luendu luenu.

Yoshua 2:4

Rakabe kumuka ne bantu babidi abu, kubasokoka. Pashishe kuandamunaye ne: — Bantu balume bavua bafike kuanyi bulelela. Kadi tshivua mumanye kuvuabu bafume to.

Yoshua 2:6

Kadi Rakabe uvua mumane kubandisha bantu abu mu nzubu wende wa kulu ku musaka. Uvua mubasokoke mu mitshi iwaye muteke kulu aku.

Yoshua 6:17

Tshimenga etshi netshibutuke ne bionsu bidimu, bualu mbintu bia kulambula Maweja-Nangila. Nulekele amu Rakabe, mukaji muena tshiendenda, ne muoyi, yeye ne bantu bonsu badi mu nzubu muende. Bualu uvua musokoke batentekedi betu batuvua batume.