Yakobe 1:8 - MUKANDA WA MYIDI MUKULU

⁸ Bualu muntu udi wela mpata, udi wenda utetuka mu bionsu bidiye wenza.

Mukanda wa Nzambi Dihungila Dikulukulu ne Dihungila Dihia-dihia 2003

⁸ mmuntu wa mitshima Ibidi udi utatakana mu nshila yandi yonso.

Yakobe 1:8 교차 참조

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

2 Bakalenga 17:33

Nanku, bantu abu, bavua luseke batendelela Maweja-Nangila, luseke lukuabu batendelela mvidie yabu, bilondeshile bilele bia ku matunga abu kuvuabu bafumine.

2 Bakalenga 17:41

Nanku, bavua luseke batendelela Maweja-Nangila, luseke lukuabu batendelela mpingu. Pashishe, bana babu ne ndelanganyi yabu yonsu bavua benza anu nanku too ne mpindiewu.

Misambu 119:113

Ndi mubenge mioyi ibidi, ndi munange mikenji yebe.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Osheya 10:2

Bena Izrayele mbanyanguke too ne mu muoyi wa munda. Mpindiewu nebakenge bua buenzayi buabu. Maweja-Nangila neanyangakaje bilambuilu biabu, neashimbule mabue a tshijila.

Matayi 6:22

— Mesu adi bu muendu wa mubidi. Pikala mesu ebe amona bimpe, mubidi webe mujima udi mu butoke.

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Yakobe 1:7

Muntu wa nanku kena mua kutekemena kantu kudi Mfumu.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

2 Petro 2:14

Badi balengamena amu bakaji badi bananga malu mabi. Kuenza malu mabi kakuena kubatonda. Badi bateya badi kabayi ne muoyi mukole. Muoyi wabu mmuibidile lukuka lua biuma. Mvidi Mukulu mmumane kubatshipa!

2 Petro 3:16

Ke bidiye mufunde mu mikanda yende yonsu, padiye umvuija malu a nanku. Mu mikanda yende mudi malongesha makole adi muntu kayi mua kujingulula lukasa. Bantu badi bapange mikanda, kabayi bashindame, badi bumvuija malongesha aa mushindu mubi. Ke mudibu benza kabidi ne miaku mikuabu ya mu Mikanda ya tshijila, badikebela nanku kabutu kabu.