Yakobe 1:26 - MUKANDA WA MYIDI MUKULU

²⁶ Padi muntu wela meji ne: ndi nnemeka Mvidi Mukulu, kayi ulama ludimi luende, udi udishima. Dinemeka diende dia Mvidi Mukulu kadiena ne mushinga nansha mukese.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Biela muntu meshi ne, Ndi ndonda malu a Nzambi, hadiye kai ukanda ludimi luandi, kadi udi udinga mutshima wandi, bualu bua Nzambi bua muntu eu budi tshianana.

Yakobe 1:26 교차 참조

Yobe 15:13

Udi ufikila Mvidi Mukulu munda, umujana bua tshinyi?

Yobe 30:11

Katshia Mvidi Mukulu wantekesha mu maboku, wamfuisha bundu, badi bankengesha muabu muonsu.

Misambu 141:3

Maweja-Nangila, lama mukana muanyi, kuba mishiku yanyi.

Misambu 32:9

Kuikadi muntu mupote, bu nyama wa kabalu nansha wa mpunde, idibu mua kutekesha amu ne nkanu, nansha ne mikaba. Nanku kuakupeta dikasa dibi to.

Misambu 34:13

Padi muntu musue kusanka panu, kupeta diakalenga matuku mavule,

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Nsumuinu 10:31

Mukana mua muntu muakane mudi mupatuka meji. Kadi ludimi lua muena dishima mbimpe balukose.

Nsumuinu 14:12

Bumue njila udi muntu umona bu mululame, ke udi umufila ku lufu.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 16:10

Padi mukalenga wa ditunga wakula mu dina dia Maweja-Nangila, nanku diba didiye ukosa nsambu kena utupakana.

Nsumuinu 16:25

Muntu udi mua kuela meji ne: njila undi ndonda udi muimpe. Kadi njila awu udi mua kumufikisha ku lufu.

Nsumuinu 19:1

Mbimpe kuikala mupele udi ulonda njila wa buakane, pa mutu pa kuikala mutatakane udi wakula ushima bantu.

Nsumuinu 21:26

Bantu bakuabu badi bapitshisha matuku abu mu dijinga dia bintu. Kadi muntu wa nsongu udi upeshangana bintu kayi utabala.

Yeshaya 1:13

Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Malaki 3:14

Nuvua nuamba ne: ‘Kukuatshila Mvidi Mukulu mudimu kakuena ne difutu to. Tuvua bitabe mikenji yende, banyingalale, bua Maweja-Nangila kutufuilaye luse, kadi katuvua bapete bualu bua nsongu nansha bumue.

Matayi 15:9

Padibu bantendelela, kabena bapeta tshintu, bualu bidibu balongesha, bidi amu mikenji ya bantu.

Marke 7:7

Bantu aba badi bantendelela tshianana, bualu badi balongesha mikenji miela kudi bantu, mienza bu malongesha a Mvidi Mukulu!”

Luke 8:18

Nuikale ne ntema, nuteleje bimpe! Bualu udi ne tshintu, neapete bipite. Kadi udi kayi natshi, nebamunyenge bikese bidiye wela meji ne: ndi nabi.

1 Korente 15:15

Diba adi tudi tushiminyina Mvidi Mukulu malu, bualu tudi tujadika ne: mutubishe Kristu ku lufu, padiye kayi mumubishe. Bualu kena mua kumubisha, pikala bafue bulelela kabayi mua kubika ku lufu.

1 Korente 15:2

Lumu alu ludi kutusungidila panudi nululama mushindu umvua munulongeshelu. Kanuyi benza nanku, nudi babuele mu njila wa ditaba anu patupu.

1 Korente 3:18

Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.

Ngalate 2:6

Kadi bantu bavua balombodi ba Tshisumbu kabavua bangambile malu makuabu a meme kuenza. — Tshivua bualu ne bulombodi buabu to. Mu bualu ebu Mvidi Mukulu mmutuangate bonsu ne mushinga. —

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Ngalate 3:4

Malu manene onsu anudi bamone adi amu a patupu anyi? Nansha kakese! Tshiena mua kuitaba ne: neikale amu a patupu!

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Efeze 5:4

Buakulavi, miaku ya bupale, nansha bilele bibi, kabiumvuiki kunudi. Mukana muenu mupatuke amu miaku ya kuela nayi Mvidi Mukulu tuasakidila.

Dielulula 11:16

Nanku dimukayi, kanupambuki, kanushiyi njila mululame. Kanutendeledi mvidie mikuabu to.

Kolose 4:6

Miaku yenu ibasankishe, ibalengelele. Numanye mua kuandamuna muntu yonsu bimpe.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Yakobe 1:22

Kanudidingi: kanuena mua kuteleja muaku wa Mvidi Mukulu patupu, kanuyi nuenza mene bidiwu unulomba.

Yakobe 2:20

Kadi wewe udi muntu mubule lungenyi! Udi musue bua nkujadikile ne: ditaba, didi kadiyi didileja mu bitudi tuenza, didi tshianana anyi?

1 Petro 3:10

mBafunde mu Mukanda wa tshijila ne: “Muntu udi musue kusanka panu, kupeta ne diakalenga, alekele kujana bantu, alekele kushima.