Yakobe 1:25 - MUKANDA WA MYIDI MUKULU

²⁵ Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kadi udi utangilatangila mikenshi miakane tshishiki ya budishikaminyi, ne udi ushalamu, kai muikale munvui udi uhua muoyo, kadi muikale muenji wa mudimu udi uwenza, muntu eu neikale ne disanka mu kuenza kuandi.

Yakobe 1:25 교차 참조

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 119:32

Ndi ndonda njila uudi ungambila, bualu udi munzulule lungenyi luanyi.

Misambu 119:45

Ndi musue kusomba panu bimpe, bualu ndi nditatshisha bua kulama mikenji yebe.

Nsumuinu 14:15

Muena bitabataba udi witaba bionsu bidibu bamuambila. Kadi muntu mudimuke kena mua kuitaba kayi muanji kuela meji.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Yowanane 8:36

Padi Muana unupikula, nenuikale bantu badikadile bulelela.

Bienzedi 13:43

Ditendelela dimane kujika, bena Yuda bavule, ne bantu ba bisamba bikuabu bavua bamane kubuela mu Tshisumbu tshia bena ditaba ba bena Yuda, kulondabu Polu ne Barnabase. Bobu abu bavua bayukila nabu, babakolesha ku muoyi, bua bashindame mu ditaba divuabu bapete kudi Mvidi Mukulu.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 26:22

Kadi Mvidi Mukulu uvua mundame too ne ku lelu. Ke muntshidi mua kujadikila bantu bonsu, bana ne bakulumpe, malu a Mvidi Mukulu. Ndi ndongesha amu bivua bambi ne Moshe bamanyishe bantu ne:

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

Rome 2:13

Bualu bantu badi basankisha Mvidi Mukulu ki mbadi bateleja mikenji patupu, kadi amu badi batumikila bidiyi ibafundila.

Rome 7:12

Nenku mikenji idi ya tshijila. Meyi ne mikandu bidi bia tshijila. Bidi bimpe, bitufundila bidi Mvidi Mukulu musue.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

2 Korente 13:5

Dikonkayi! Nutshidi bena ditaba anyi? Ditetayi! Kristu utshidi munkatshi muenu anyi? Panudi kanuyi bamone nanku, nukadi bamuvile.

Ngalate 2:4

Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

Ngalate 5:1

Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

Ngalate 6:2

Ambuluishanganayi bua kuambuishangana majitu. Ke munudi nutumikila mikenji ya Kristu nanku.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

1 Timote 2:15

Kadi nebasungidile mukaji bua buledi buende, padiye unanukila mu ditaba ne mu dinanga, wenza amu ne bupuekele malu a tshijila adi Mvidi Mukulu musue.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Yakobe 2:12

Akulayi, enzayi malu, bu bantu badibu ne bua kulumbuluisha kudi mikenji idi itupikula ku bupika.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

1 Yone 2:24

Nanku nulame bimpe munda muenu miaku inuvua bumvue biangatshile ku ntuadijilu. Pikala miaku inuvua bumvua biangatshile ku ntuadijilu ayi mishale munda muenu, nuenu kabidi nenushale mu bobumue ne Muana, kabidi ne Tatu.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

1 Samuele 12:14

Mpindiewu, nenuikale bena diakalenga anu panuikala banemeka Maweja-Nangila Mvidi Mukulu wenu, numuenzela mudimu, numutumikila kanuyi numutombokela, nukumbaja mikenji yende, nuenu ne mukalenga wenu, numulonda.