Yakobe 1:19 - MUKANDA WA MYIDI MUKULU

¹⁹ Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bana betu bananga, mimanye bienu bualu ebu. Muntu yonso unvue biandi lubilu, atukishe kai muanze kuakula, kakuatshi tshishi lubilu;

Yakobe 1:19 교차 참조

Nehemya 8:18

Dituku dionsu dia tshibilu, biangatshile dituku dia kumpala too ne dia ndekelu, bavua babala bualu mu mukanda wa mikenji ya Mvidi Mukulu. Tshibilu tshivua tshinenga matuku muanda mutekete. Nanku dituku dia muanda mutekete adi divua dia tshisangilu tshinene, bu muvua mikenji mibafundile.

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Nehemya 9:3

Pashishe, kuimanabu kulu meba asatu, bateleja dibala dia mukanda wa mikenji ya Maweja-Nangila Mvidi Mukulu wabu. Pashishe kuinyikabu mpala panshi meba asatu makuabu kumpala kua Maweja-Nangila Mvidi Mukulu, bua kulomba luse.

Yobe 32:16

Meme kuindila. Kanutshivua nuakula kabidi to. Nuenu kushala biname, katuyi tunwua diyi nansha dimue.

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 17:27

Muntu mushidimuke udi ulaminyina miaku. Muntu wa lungenyi udi ukeba diba dia kuela meji.

Nsumuinu 18:13

Muntu udi wandamuna lukonku kayi muanji kuteleja bimpe, udi uleja bupote buende; neafue bundu kabidi.

Nsumuinu 18:21

Tshiudi wamba tshidi mua kukufila ku muoyi nansha ku lufu. Nanku paudi munange kuakula, wanyisha kabidi bionsu bidi miaku yebe mua kukupetesha.

Nsumuinu 19:11

Muntu wa lungenyi nansha yeye mufike munda, udi amu ulama lutulu. Lumu luende mpadiye upua malu mabi avuabu bamuenzele muoyi.

Nsumuinu 19:19

Muena tshiji tshikole afute tshibawu. Wewe mubenge kumufutshisha, udi umusaka bua atungunuke.

Nsumuinu 21:23

Muntu udi udilama ku bionsu bidiye wakula, udi udiepula ku makenga mavule.

Nsumuinu 25:28

Muntu udi kayi udikolela bua kafiki munda, udi bu tshimenga katshiyi ne bimana, tshidi baluishi mua kukuata ne lukasa luonsu.

Nsumuinu 29:20

Wewe musangane muntu wakula kayi wela meji, mbimpe kutekemena kudi mutshimbakane pa mutu pa kutekemena kudiye.

Dibadika 22:27

Mpunde umona kabidi mutumibue wa Maweja-Nangila, kulalaye panshi ne mfumuende panyima. Balaame kufika munda bikole, kutuuta mpunde ne dikombu.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Marke 12:37

Davide mene udi umubikila “Maweja-Nangila.” Mudi Meshiya mua kuikala kabidi wa ku ndelanganyi ya Davide mbishi? Bantu ba bungi bavua bateleja Yezu ne disanka.

Marke 2:2

Bantu bavule kudisangisha, kujika too ne ku tshiibi tshia ku mushiku wa mbelu. Ke Yezu kubalongesha.

Luke 15:1

Balambuishi ba bitadi, ne bantu bakuabu ba lumu lubi, kuyabu kudi Yezu bua kumuteleja.

Luke 19:48

Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 10:33

Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.

Bienzedi 13:48

Bavua kabayi bena Yuda bumvua nanku, kusankabu bikole, bela Mfumu tuasakidila bua muaku wende. Bantu bonsu bavuabu basungula bua kupeta muoyi wa kashidi, kubuelabu mu Tshisumbu tshia bena ditaba.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Efeze 4:31

Lekelayi kanyinganyinga konsu, bumfika munda, ne tshiji tshionsu. Kanuedianganyi mbila ya bipendu. Kanuikadi ne lukinu kudi muntu nansha umue.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

Kolose 3:8

Kadi mpindiewu bengayi bionsu ebi: tshiji, difika munda, tshikisu. Kanupendi muntu, kanuakudi miaku mibi.

1 Tesalonike 2:13

Tudi tuela amu kuela Mvidi Mukulu tuasakidila kabidi, bualu patuvua tunumanyisha muaku wa Mvidi Mukulu, nuvua bauteleje, bawitabe, kanuyi bautangile bu muaku wa muntu, kadi amu bu muaku wa Mvidi Mukulu. Bushuwa muaku awu uvua uleja muvuawu wa Mvidi Mukulu menemene, bualu uvua ukuata mudimu munda muenu nuenu badi bitaba.

Yakobe 1:16

Bana hetu bananga, kanudishimi to.

Yakobe 1:2

Bana hetu, nudimone bena diakalenga menemene, padi makenga a mishindu yonsu anukuata.

Yakobe 1:26

Padi muntu wela meji ne: ndi nnemeka Mvidi Mukulu, kayi ulama ludimi luende, udi udishima. Dinemeka diende dia Mvidi Mukulu kadiena ne mushinga nansha mukese.

Yakobe 2:1

Bana hetu, nuenu badi bitaba Yezu Kristu, Mfumu wetu wa butumbi, kanuena mua kusungulujangana.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Yakobe 3:10

Mukana mumue mudi mupatuka miaku ya kuela tuasakidila ne ya kutshipa. Bana hetu, kanuenji nanku.

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.

Yakobe 5:12

Nangananga, bana hetu, panudi nulaya bualu, kanuditshipi, nutela diulu, buloba, nansha tshintu tshikuabu. Panudi nuitaba, nuambe amu ne: “Eyowa.” Panudi nubenga, nuambe amu ne: “To,” bua Mvidi Mukulu kanupishi.

Yakobe 5:19

Bana hetu, pikala umue wa kunudi mupambuke mu njila wa bulelela, mukuabu mumupingaje mu njila muimpe,

1 Yone 2:21

Nanku tshiena nnufundila, bualu nudi bapange bulelela to. Ndi nnufundila, bualu nukadi babumanye. Nudi bamanye kabidi ne: bulelela kabuena mua kulela dishima nansha dimue.