Tite 1:1 - MUKANDA WA MYIDI MUKULU

¹ Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Meme Paulo, udi muhika wa Nzambi ne mupostolo wa Yesu Kilisto, bualu bua kuitabushisha bantu bakasungulabo kudi Nzambi, ne bua dimanya dia tshishiki dia bualu bulelela bua mu buimpe bua Nzambi,

Tite 1:1 교차 참조

1 Kulondolola 6:49

Bena Izrayele bavua bapesha ndelanganyi ya bena Levi bimenga ebi ne mpata ya kudishila bimuna biabu.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Bienzedi 13:48

Bavua kabayi bena Yuda bumvua nanku, kusankabu bikole, bela Mfumu tuasakidila bua muaku wende. Bantu bonsu bavuabu basungula bua kupeta muoyi wa kashidi, kubuelabu mu Tshisumbu tshia bena ditaba.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

Efeze 2:8

Bualu Mvidi Mukulu mmutusungile amu ku luse luende patupu. Nuenu kanuvua ne tshia kuenza. Tshienu tshivua amu kuanyisha mu ditaba dipa edi dia lupandu dia kudi Mvidi Mukulu.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

1 Timote 2:4

udi musue bua bantu bonsu bapande, bamanye bulelela.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

2 Timote 2:23

Kadi ubenge mpata ya bupale ne butshimbakane. Umanye ne: ndekelu wayi udi amu matandu.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

2 Petro 1:3

Mvidi Mukulu ku bukole buende mmutupe bionsu bitudi tukengela, bua tumone mua kukumbaja bidiye musue. Bualu bavua batumanyishe mudiye mutubikile, bua tudisange nende mu butumbi, ne mu buimpe buende.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

1 Yone 2:23

Bualu muntu udi ubenga Muana, udi ubenga kabidi ne Tatu. Kadi udi witaba Muana, udi udisanga kabidi ne Tatu.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.