Rute 4:10 - MUKANDA WA MYIDI MUKULU

¹⁰ Ndi mpiana kabidi Rute, muena Mowabe, uvua mukaji wa Malone, udi ushala mukajanyi. Nanku bintu nebishale mu dina dia mufue. Nanku dina diende kadiakujimina. Nebashale baditela mu bisombelu ne mu diabu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bukuabo, nakasumba Luta Muena Moaba, mukashi wa Malona bu mukashi wanyi, bua kuhingisha dina dia mufu ku buhianyi buandi, bua dina dia mufu kadijiminyi mu nkatshi mua bana babo ne ku tshibi tshia muaba wandi nudi bamanyi ba bualu ebu lelu.

Rute 4:10 교차 참조

Genese 29:27

Nanku anji kushala ne Leya lumingu lujima kaba kamue, nenkupeshe kabidi Rakele, paudi ungenzela kabidi mudimu bidimu bikuabu muanda mutekete.

Genese 38:9

Kadi misangu yonsu ivua Onane ubuelela mukaji awu mu nzubu, uvua wela mayi a balume panshi. Bualu kavua musue kulela ne mamu awu nansha. Uvua mumanye ne: bana badibu mua kupeta ne mukaji awu, nebikale anu ba mukuluende.

Misambu 109:15

Maweja-Nangila avuluke malu aa matuku onsu, umbushe tshivulukilu tshia bantu abu mu ditunga.

Misambu 34:16

Maweja-Nangila udi utangila bantu bende, uteleja padibu bamubila.

Nsumuinu 18:22

Muntu udi mupete mukaji, udi mupete diakalenga. Ke dipa didi Maweja-Nangila umupesha.

Nsumuinu 19:14

Nzubu ne biuma mbintu bidi muntu mua kupiana kudi batatuende. Kadi mukaji wa meji badi bamupetela amu kudi Mvidi Mukulu.

Yeshaya 48:19

Ndelanganyi yebe ivua mua kuvulangana, bu tutete tua lusenga ku muelelu wa mayi manene. Meme tshivua mua kuyibenga. Dina diayi kadivua mua kujimina kumpala kuanyi.”

Osheya 12:12

Bena Ngilaade, mbena buenzayi ba kalanda-musenga. Nebabutuke bonsu. Muaba wa tshijila wa ku Ngilgale, bavua balambula ngombe milume. Kadi, bilambuilu biabu, nebishale amu mishiki ya mabue mu madimi.

Osheya 3:2

Nanku, meme kuangata mukajanyi tshiakabidi, ku nkanu dikumi ne itanu ya tshiamu tshitoke tshia mushinga mukole, ne ku litre 600 ya ntete ya orje.

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Malaki 2:14

Nudi nukonka ne: katshiena ubianyisha bua tshinyi? Bualu nuvua balaye ku mesu kua Maweja-Nangila ne: nendamate mukaji undi musele ku buana buanyi. Yeye ke muena kuanyi undi musungule. Kadi nuenu kumubenga.

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Dielulula 25:6

Muana wa balume wa kumpala walela mukaji awu, nebamutangile bu muana wa mufue awu, bua kusangula dina dia mufue mu Izrayele.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Rute 4:9

Pashishe Bowaze kuambila bakulu, bavuaye mubikile, ne bantu bonsu bavua muaba awu ne: — Lelu, nuajadiki mundi nsumba bintu bionsu bia Elimeleke, ne bia bana bende ba balume aba: Malone ne Kiliyone, kudi Nowemi.