Rute 3:7 - MUKANDA WA MYIDI MUKULU

⁷ Bowaze mujikije kudia ne kunua, uvua ne disanka. Pashishe kuyaye kulala pabuipi ne ntete. Rute kuya muaba awu wenda utobela. Kumushaye tshilamba tshitua Bowaze mulale natshi, kulalaye ku mikolu yende.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakashikisha Boaza kudia ne kunua, ne mutshima wandi wakadi usanka, yeye wakabuela nu nsubu, wakaya kulala kundekelu kua bisumbu bia orge, wakabuelamu bitekete bitekete, wakumusha bilulu ku makasa andi, wakalala.

Rute 3:7 교차 참조

Genese 43:34

Yozefe kufikisha kabidi ku mesa kuvua bana babu biakudia bivua ku ende. Kadi bivuaye mufikishe kudi Binyamine bivua bipite bia bana babu misangu itanu. Bonsu kunua maluvu, kukuatshika.

2 Samuele 13:28

Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

1 Bakalenga 21:7

Yezabele kuandamuna ne: — Bulelela! Kuena muvuluke ne: wewe udi mukalenga wa bena Izrayele anyi? Juka! Udie biakudia, usanke! Meme Yezabele ndi nkupesha budimi bua mvinyo bua Nabote wa Yizreyele.

Estere 1:10

Dituku dia muanda mutekete dia didia dinene, mukalenga Ahashaveroshe uvua musanke bua mvinyo uvuaye munue. Kubikilaye batungu muanda mutekete, bena mudimu bende, ke Mekumane, Bista, Arbona, Bigta, Abagta, Zetare ne Karkase.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Muambi 10:19

Bantu baneme badi badia bua kusanka. Badi basangulaka padibu banua maluvu. Kadi amu badi ne biuma ke badi mua kupeta bionsu bidibu bakengela.

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Balombodi 16:25

Bu muvua bena Peleshete ne disanka dia bungi, kutumabu diyi bua bafike ne Shimeshone bua kubasekeshaye. Kupatulabu Shimeshone mu nzubu wa lukanu. Bantu bamumone, kusekabu bikole. Bamane kumuimanyika pankatshi pa makunji a ku nzubu wa mvidie wabu,

Balombodi 19:22

Kadi pavua benyi abu badia, basanka mu nzubu, bena buenzayi ba mu Ngibeya kunyungulula nzubu awu, kukokola ku tshiibi. Kuambilabu mukulumpe muena nzubu ne: — Patula muntu mulume uudi muakidile kuebe eku. Tudi basue ikale mukajetu.

Balombodi 19:6

Nanku bantu babidi abu kusomba ku mesa, kudia, kunua. Tatuende muenu wa muena Levi kumuambila ne: — Anji kuindila kabidi kakese. Witabe bua kulala muaba ewu lelu.

Balombodi 19:9

Kadi pavua muena Levi musue kupingana, ne mukajende, ne muena mudimu wende, tatuende muenu kumuambila ne: — Teleja, diba ndimane kupita, butuku mbumane kuila. Nulale, nuikishe kabidi kakese. Maloba nenujuke ne dinda bua kupingana kuebe.

Rute 3:6

Kuyaye muaba awu bua kukumbaja bionsu bivua mamuenende mumuambile.

Rute 3:8

Pashishe munkatshi mua butuku, Bowaze utabuluka ku tulu, kumonaye mukaji mulale ku makasa ende.