Rute 3:14 - MUKANDA WA MYIDI MUKULU

¹⁴ Rute kulala muaba awu. Kadi kujukaye patshiatshia, butuku kabuyi buanji kutshia. Bualu Bowaze kavua musue bua muntu nansha umue amanye ne: Rute uvua mulue muaba awu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku yeye wakalala ku makasa andi tô ne dinda wakabika diambedi muntu kayi mua kumona ngana ne mukuabo; Boaza wakamba ne, Bualu ebu kabumanyibu ne, Mukashi wakalua ku tshishihuidi.

Rute 3:14 교차 참조

Muambi 7:1

Lumu luimpe ndupite manananshi a mushinga mukole. Dituku dia lufu lua muntu ndipite dituku di wabu bamulele.

Rome 12:17

Kanupingajidi muntu bubi ku bubi. Nukebe kuenza malu mimpe kumpala kua bantu bonsu.

Rome 14:16

Bidi binulengelela nuenu, kabiena ne bua kulenduisha bakuabu nansha.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

2 Korente 8:21

Tudi tukeba kuenza ki ngamu bidi Mfumu mua kuanyisha, kadi kabidi bidi bantu mua kuanyisha.

1 Tesalonike 5:22

Bengayi malu mabi a mishindu yonsu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

Rute 3:15

Bowaze kuambila Rute ne: — Adija tshilamba tshiebe panshi, nkuelele ntete. Kumuelelaye ntete mipite pa kilo dikumi ne itanu. Kumuambikaye bujitu. Pashishe Rute kupingana mu tshimenga.