Rute 3:13 - MUKANDA WA MYIDI MUKULU

¹³ Nanku, anji lala tulu. Patshiabu ne dinda, pikalaye muitabe bua kukupiana, mbimpe. Kadi padiye ubenga, meme ndi nkujadikila kumpala kua Maweja-Nangila udi ne muoyi ne: nenkukumbajile malu onsu awu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Anji kulala butuku ebu, ne hatshiabu, bitabusheye bua kukuenzela bu mudi tshilele tshia buena tshiota mbimpe, enze biandi nunku kadi biahidieye kukuenzela bu mudi tshilele tshia buena tshiota bu mudi Yehowa ne muoyo, meme nenkue nzele bu mudi tshilele tshia buena tshiota, lala biebe to ne hatshiabu.

Rute 3:13 교차 참조

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

Balombodi 8:19

Ngideyone kuela mbila ne: — Bivua bana betu, bana ba mamu mundedi. Nanku ndi nditshipa kudi Maweja-Nangila udi ne muoyi, bu nuenu kanuyi bashipe bana betu aba, meme kabidi tshivua mua kunushipa to!

Rute 2:20

Nowemi umvua nanku, kuambila Rute ne: — Maweja-Nangila mukumbaji wa malaya ende amusankishe. Mmuwluke bonsu bafuile, ne batshidi ne muoyi. Bowaze mbayebe tshina menemene, udi ne bua kutuambuluisha bilondeshile mikenji.

Rute 3:12

Bulelela, meme ndi mua kukupiana. Kadi kudi bayebe tshina menemene udi nenu pabuipi, mumpite meme.

Rute 4:5

Ke Bowaze kumuambila ne: — Paudi usumba budimi bua mufue kudi Nowemi, udi upiana kabidi ne Rute, mukaji wa mufue, bua kulelela mufue bana, ne bua budimi bushale mu dina dia bana abu.

Rute 4:6

Muanabu umvua nanku, kubengaye wamba ne: — Tshiena mua kusumba budimi abu, ne kupiana mukaji wa mufue to, bualu nemvue kupanga mua kuabanya bia bumpianyi munkatshi mua bana banyi ne ba mufue. Wewe jikija malu onsu pa mutu panyi meme.