Rute 3:10 - MUKANDA WA MYIDI MUKULU

¹⁰ Bowaze umvua nanku, kuambilaye Rute ne: — Maweja-Nangila akuele lupemba, bualu waleji dilamata diebe dipite ne pa diuvua muenze kumpala kua mamuenebe. Bualu kuena muye kudi bansongalume babanji, nansha bapele, bua bakupiane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye wakamba ne Yehowa akusankishe muanʼanyi, kunshikidilu kua kalolo kebe kuakatamba tshibangidilu tshiaku bualu bua wewe kuakalonda bansongalume, nansha bahele nansha babanju.

Rute 3:10 교차 참조

Genese 24:31

Labane kuambila muena mudimu wa Abrahame ne: — Luaku, tuye pambelu, lekela kuimana apa. Ndi mumane kukulongoluela muaba wa kulala ne wa kuladika tumelu tuebe. Maweja-Nangila mmumane kukuendesha diakalenga.

Rute 1:8

Nowemi kuambila bakaji ba bana bende ne: — Pinganayi mpindiewu, yonsu aye kudi mamuende. Maweja-Nangila anuvuluke, bu munuvua bamvuluke meme ne babayenu bafuile.

Rute 2:11

Bowaze kuandamuna ne: — Bakadi bamane kundondela, bangumvuije malu onsu auvua muenzele mamuenebe panyima pa lufu lua bayebe. Ndi mumanye muudi mushiye baledi bebe ne ditunga dienu dikulela. Wewe kuya kudi bantu bamua kuyi muanji kumanya.

Rute 2:20

Nowemi umvua nanku, kuambila Rute ne: — Maweja-Nangila mukumbaji wa malaya ende amusankishe. Mmuwluke bonsu bafuile, ne batshidi ne muoyi. Bowaze mbayebe tshina menemene, udi ne bua kutuambuluisha bilondeshile mikenji.

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

Rute 3:9

Bowaze kukonka ne: — Udi apa nnganyi? Rute kuandamuna ne: — Mmeme, Rute. Ndi nkusengelela bua umpiane, bualu udi bayanyi tshina.

1 Samuele 15:13

Samuwele ufika pabuipi ne Shawule. Shawule kumuambila ne: — Maweja-Nangila akuele lupemba! Ndi mukumbaje bionsu bivua Maweja-Nangila mungambile.