Rute 2:6 - MUKANDA WA MYIDI MUKULU

⁶ Awu kuandamuna ne: — Mukaji ewu mmuena Mowabe. Mbumuke ne Nowemi ku Mowabe, mbapingane kuneku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Muena mudimu wakadi ku mutu kua banowi wakamukudimuna ne, Yeye udi nsongakashi, Muena Moaba, wakahingana ne Naomi, balue ku buloba bua Moaba;

Rute 2:6 교차 참조

Genese 15:2

Abrame kumukonka ne: — Maweja-Nangila Mvidi Mukulu wanyi, neumfute tshinyi? Meme tshiena mulele muana.

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

Genese 39:4

Nanku Potifare kunanga Yozefe bikole. Kumupeshaye mudimu wa kulombola bantu ne bintu bionsu bia mu nzubu muende.

Matayi 20:8

Dilolu dikumbana, muena budimi bua nwinyo kuambila mfumu wa bena mudimu ne: “Ubikile bena mudimu, ubafute difutu diabu. Utuadije ne bantu ba ndekelu bamvua muangate ku mudimu. Neujikije ne bantu bamvua muangate kumpala.”

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Rute 1:16

Kadi, Rute kuandamuna mamuenende ne: — Lekela kutupingaja. Ndi musue kuya nebe. Bualu kuwaya nkungaya; kuwasomba nkungasomba; bana benu mbana betu kabidi; Mvidi Mukulu webe neikale Mvidi Mukulu wanyi.

Rute 1:19

Bubidi buabu pamue kupingana ku Betleyeme. Pafikibu mu musoku wabu, bakaji bonsu kukukila, babakatshila, bamba ne: “Bushiwa ewu nNowemi anyi?”

Rute 1:22

Ke umvua Nowemi ne Rute, muena Mowabe, mukaji wa muanende, bafike mu Betleyeme, bafumine ku Mowabe. Bivua ku ntuadijilu wa tshikondu tshiyuabu banowa ntete ya orje ya kuenza bukula.

Rute 2:5

Pashishe, Bowaze kukonka mfumu wa banowi ne: — Mukaji ewu ngua penyi?

Rute 2:7

Uvua mundombe bua kupumbulula biakudia bidi banowi bashiya mu budimi. Mmukuate mudimu muaba ewu ku dinda too ne ku mpindiewu. Nyeye ewu utshibuelelaku bua kuikisha kakese.