Rute 2:15 - MUKANDA WA MYIDI MUKULU

¹⁵ Yeye mumane kupingana bua kupumbulula kabidi, Bowaze kuambila bena mudimu bende ne: — Mukaji ewu apumbulule bintu bionsu bia mu budimi, too ne munkatshi mua bisumbu bia miepu ya ntete ya kuenza bukula. Muntu kamukandiki to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakabikeye bua kuhumbulula mpumbuluila, Boaza wakambila bansongalume bandi ne, Nuitabushe bua yeye ahumbulule mpumbuluila munkatshi mua bisumbu bia orge mene, kanumukandi nansha.

Rute 2:15 교차 참조

Lewitiki 19:9

“Panudi nunowa biakudia, kanuena mua kukosa too ne miepu idi kumpenga kua budimi to. Kabidi kanuena mua kupingana mu budimi bua kupumbulula binuvua bapue muoyi to.

Lewitiki 23:22

“Musangu unudi nunowa biakudia, kanuena mua kunowa too ne bidi ku mpenga kua budimi to. Kabidi kanuena mua kupingana bua kupumbulula biakudia binuvua bapue muoyi to. Nubilekele, bishale bua kuambuluisha bapela ne benyi. Bualu meme ndi Maweja-Nangila Mvidi Mukulu wenu.”

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Rute 2:14

Diba dia kudia dikumbana, Bowaze kubikila Rute, wamba ne: — Luaku, tudie, angata tshipese tshia diampa, utue mu maluvu malule. Rute kusomba ku luseke lua bena mudimu bua kudia. Bowaze kumupesha tshimuku. Kudiaye, kuukuta, kuteka tshivua tshishale.

Rute 2:16

Nuangate kabidi miepu mikuabu ya ntete ya kuenza bukula, nuyimatshishe panshi, bua ayambule. Nanku kanumutatshishi to.