Rute 2:14 - MUKANDA WA MYIDI MUKULU

¹⁴ Diba dia kudia dikumbana, Bowaze kubikila Rute, wamba ne: — Luaku, tudie, angata tshipese tshia diampa, utue mu maluvu malule. Rute kusomba ku luseke lua bena mudimu bua kudia. Bowaze kumupesha tshimuku. Kudiaye, kuukuta, kuteka tshivua tshishale.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakafika diba dia kudiabo bidia, Boaza wakamuambila ne, Lua kunoko, udie bidia, utue tshihesa tshiebe mu vinaigre. Yeye wakashi kama luseke lumue ne banowi, bakamulesha mateta akamanabo kukanga, yeye wakadia, wakukuta, wakashiya makuabo.

Rute 2:14 교차 참조

2 Samuele 17:28

Bantu aba bavua batuadile Davide ne bantu bavuaye nabu: malalu, bilamba bienza ne boya bua nyama, malongu ne biakudia, ntete ya kuenza bukula, ntete ya orje, bukula mene, ntete mikanga, nkunde ya mishindu mishilangane, buitshi, manteka, fromaje muenza ne mabela a ngombe, makuabu muenze ne a mikoku. Bualu bantu abu bavua bambilangane ne: “Bantu aba bavua bapitshile mu tshipela, badi mua kuikala bapungila, bafue ne nzala ne nyota.”

Misambu 23:5

Udi untekela mesa, baluishi banyi batangile, undaba tshilabu tshia muenyi muimpe. ungelela maluvu dikopu tente.

Yeshaya 32:8

Kadi muntu wa kalolu, udi wela meji amu a kalolu, udi ukumbaja kabidi malu a kalolu.

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Matayi 14:20

Muntu yonsu uvua mudie muukute. Balongi kukunguja bisunsukile bivua bishale, bibondu dikumi ne bibidi tente.

Dielulula 11:15

Maweja-Nangila neameneshe kabidi bisosa bia nuenu kudisha bimuna bienu. Nanku nenudie nukute.

Dielulula 8:10

Nenudie nukute. Nenuele Maweja-Nangila Mvidi Mukulu wenu tuasakidila, bua padiye munufikishe mu ditunga edi dimpe.

Rute 2:13

Pashishe, Rute kuamba ne: — Mukalenga, ndi nkuela tuasakidila, bua paudi munsambe, munkoleshe ku muoyi, meme tshiyi nansha bu umue wa ku bakaji bena mudimu bebe.

Rute 2:15

Yeye mumane kupingana bua kupumbulula kabidi, Bowaze kuambila bena mudimu bende ne: — Mukaji ewu apumbulule bintu bionsu bia mu budimi, too ne munkatshi mua bisumbu bia miepu ya ntete ya kuenza bukula. Muntu kamukandiki to.

Rute 2:18

Rute kusangisha bionsu abi, kuyaye nabi pambelu. Kulejaye mamuenende bivuaye mupumbulule. Kumupeshaye ne biakudia bivuaye mumutuadile; ke bivuaye mumulamine pavuaye mumane kudia kuukuta.

1 Samuele 17:17

Dituku dikuabu, Ishayi kuambila muanende Davide ne: — Angata tshibombi tshia ntete mikanga etshi ne mampa dikumi aa, uye nabi lukasa mu mitanda, muaba udi bana benu.

1 Samuele 25:18

Abiyayile kuya lubilu, kuangata mampa nkama ibidi, milondu ibidi ya biseba, ne maluvu a mvinyo tente, mikoku itanu mimane kulamba, bipimu bitanu bia ntete ya bukula mikanga, bisangi bia tumuma tume tua mvinyo lukama, ne mikata nkama ibidi mienza ne bimuma bia mutshi wa mfiku. Abiyayile kuteka bintu bionsu abi pa nyama ya mpunde.