Rute 1:17 - MUKANDA WA MYIDI MUKULU

¹⁷ Kuwafuila nenkufute panyi, nkuanjikabu kabidi. Meme tshiyi muenze nanku, kayanda kanyi, Maweja-Nangila angangate.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ nenfue kuwafua, nenjikibuehu kabidi, bialua tshintu tshikuabo hankatshi hetu bua kutuhandulula, anu lufu nkayalu, Yehowa angenzele muonso muenzeye tô ne ha mutu.

Rute 1:17 교차 참조

2 Samuele 15:21

Kadi Itayi kuandamuna ne: — Mukalenga wanyi, bu mudi Maweja-Nangila ne muoyi, ne bu muudi wewe kabidi ne muoyi, ndi nditshipa ne: Tuyaya nebe muaba uudi uya. Pavuafua netufue nebe: pawikala ne muoyi, nengikale ne muoyi kabidi.

2 Samuele 19:13

Nuenu nudi bana babu ne mukalenga Davide menemene. Nanku, kanuikadi ba ndekelu bua kumupingaja to.”

2 Samuele 3:35

Butuku kabuyi buanji kuila, bantu kusemena kudi mukalenga Davide bua kumupesha biakudia. Kadi mukalenga Davide kuditshipa, wamba ne: — Meme mudie tshipese tshia diampa, nansha tshintu tshikuabu, butuku kabuyi buanji kuila, Maweja-Nangila annyoke ne dinyoka dikole!

2 Samuele 3:9

Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

1 Bakalenga 13:31

Bobu bamane kujiika tshitalu, muambi mukulumpe kuambila bana bende ne: — Meme mufue, nunjiike anu mu lukita lutudi bajiike muambi elu. Nuladike tshitalu tshianyi ku luseke lua tshiende.

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

1 Bakalenga 2:23

Ke Shelomu kuditshipa kumpala kua Maweja-Nangila, wamba ne: — Maweja-Nangila neannyoke ne dinyoka dikole, pangikala tshiyi mushipeshe Adoniya, bua dikamakama didiye nadi dia kulomba bualu bua mushindu ewu!

1 Bakalenga 20:10

Ke mukalenga Benadade kutumina mukalenga Akabe diyi musangu muisatu, umuambila ne: “Meme mushiye mu Samariya lupuishi lukumbane ludibu mua kuambula kudi bantu bandi nabu, mvidie yonsu innyoke ne dinyoka dikole.”

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

Misambu 45:10

Bana ba bakaji ba bamfumu badi bannyungulukila. Ku diebe dia balume kudi mukalenga mukaji, muvuale bilengejilu bia mpawungi muimpe.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Rute 1:16

Kadi, Rute kuandamuna mamuenende ne: — Lekela kutupingaja. Ndi musue kuya nebe. Bualu kuwaya nkungaya; kuwasomba nkungasomba; bana benu mbana betu kabidi; Mvidi Mukulu webe neikale Mvidi Mukulu wanyi.

Rute 4:15

Mukaji wa muanebe udi mukunange, mukupeshe muana. Nanku mmupite ne bana ba balume muanda mutekete.

1 Samuele 14:44

Shawule kuamba ne: — Yonatane wewe kuyi mufue, Mvidi Mukulu annyoke ne dinyoka dikole!

1 Samuele 20:13

Kadi, pikalaye musue kukuenzela bibi, pangikala tshiyi mukumanyishe, Maweja-Nangila annyoke ne dinyoka dikole. Diba adi nenganyishe bua wewe kuya. Neuye bimpe kabayi bakuatshisha to. Ndi njinga ne: Maweja-Nangila ikale nebe muvuaye ne tatu wanyi Shawule.

1 Samuele 25:22

Nanku, patuamba kufika malaba dinda, Mvidi Mukulu annyoke ne dinyoka dikole, pangikala tshiyi mubutule bena diku dia Nabale bonsu.”

1 Samuele 3:17

Eli kumukonka ne: — Maweja-Nangila wakuambidi tshinyi? Kunsokoki bualu nansha bumue to. Wewe munsokoke bualu nansha bumue budi Mvidi Mukulu mukuambile, nemmulombe bua akunyoke bikole bitambe.