Rome 9:3 - MUKANDA WA MYIDI MUKULU

³ Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakadi kusua kuedibua mulau wa kumushibua hanyi kudi Kilisto, bualu bua bana betu, badi bakuetu ba mubidi.

Rome 9:3 교차 참조

Genese 29:14

Labane kuambila Yakobe ne: — Wewe udi mulele wanyi, tudi mufu umue. Yakobe kusomba ku mbelu aku ngondu mujima.

Estere 8:6

Mundi mua kumona bashipa bana betu, tshiyi ngenza bualu mbishi? Mundi mua kutangila ne mesu babutula bantu ba tshisamba tshietu mbishi?

Ekesode 32:32

Ndi nkusengelela bua ubafuile luse, bua tshilema etshi. Kadi pawabenga, ukupule dina dianyi mu mukanda wa muoyi, uudi mufunde mena a bantu bebe.

Bienzedi 13:26

Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

Bienzedi 22:5

Mutuangaji munene, ne bena tshipangu tshia bakulu bonsu badi apa, badi mua kujadika bindi ngamba ebi. Bavua bampeshe mikanda, mifundila bana betu bena Yuda ba mu Damase. Ke mumvua mufike muine amu, bua kukuata bavua bitaba Yezu, kupingana nabu mu Yerushalayime, bua babanyoke.

Bienzedi 28:21

Kumuandamunabu ne: — Bena Yuda ki mbatutumine mukanda nansha umue udi utangila bualu buebe. Muanetu nansha umue ki mmufume kuntu aku, bua kutuambila bualu bubi buudi muenze, nansha kutujadikila malu ebe.

Rome 1:3

Uvua mulukumbaje kudi Muanende Mfumu wetu Yezu Kristu, uvuabu balele ne mubidi wa muntu mu diku dia mukalenga Davide;

Rome 11:1

Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

Rome 11:14

Bualu ndi ntekemena kujula lubabu kudi bena kuetu, bua nansha bamue ba kudibu bamone mua kupeta lupandu.

Rome 16:11

Elayi muanetu Erodiyone muoyi. Elayi bena diku dia Narsise badi bitaba Mfumu muoyi.

Rome 16:21

Timote, utudi tukuata nende mudimu, udi unuela muoyi, kabidi ne Lukiyuse, Yazone ne Sosipatere, bana hetu.

Rome 16:7

Elayi Andronikuse ne Yuniyase muoyi. mBana hetu, bavua nanyi mu lukanu. Bapostolu badi babanyisha bikole. Bavua babuele mu Tshisumbu tshia bena Kristu, meme tshiyi muanji kubuelamu.

Rome 9:2

ndi ne dibungama dinene, ngumvua dikenga tshiyi mpeta dikisha.

1 Korente 12:3

Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

2 Korente 12:15

Ndi njinga kufila bionsu bindi nabi ne disanka bualu buenu. Nendifile ne meme mene bua kunuambuluisha. Kadi dinnanga dienu nedikepele, padi dinunanga dianyi dienda divulangana anyi?

Ngalate 1:8

Kadi pangikala meme, nansha muntu mukuabu, nansha mutumibue mene wa Mvidi Mukulu, tunulongesha Lumu lua Disanka bishilangane ne lutuvua banulongeshe, tuasangana bena tshibawu kuenza anyi? Tuenza!

Ngalate 1:9

Tukavua bamane kunuambila kale bindi ngambulula lelu ne: muntu udi unulongesha Lumu lua Disanka lushilangane ne lutuvua banulongeshe, mmuena tshibawu!

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Efeze 6:5

Bapika, tumikilayi bamfumu benu ba panu, batshinayi, banemekayi. Enzayi nanku ne muoyi umue, bu munudi mua kuenzela Kristu.

Dielulula 21:23

tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

1 Samuele 14:24

Dituku adi, bena Izrayele kukenga bikole bua mutshipu uvua Shawule mubatshipishe ne: “Pikala muntu mudie biakudia, katuyi banji kufika ku dilolu, tshiyi muanji kusombuela baluishi banyi, muntu awu mmuena tshibawu.” Nanku, muntu nansha umue kavua mudie tshintu to.

1 Samuele 14:44

Shawule kuamba ne: — Yonatane wewe kuyi mufue, Mvidi Mukulu annyoke ne dinyoka dikole!