Rome 7:14 - MUKANDA WA MYIDI MUKULU

¹⁴ Tudi bamanye ne: mikenji mmifume kudi Mueyelu wa Mvidi Mukulu. Kadi meme ndi muena butekete, udi bubi busumba bu mupika wabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tudi bamanye ne, Mikenshi idi ya nyuma, kadi meme ndi ne mutshima wa kulonda malu mabi a mubidi, ndi muhanyibue ku bubi.

Rome 7:14 교차 참조

Genese 37:27

Katumushipi nansha, bualu mmuanetu. Tudi bantu bamue. Kadi tumusumbishe kudi bena Ismayele aba. Bana babu kuitaba.

Genese 37:36

Bena Madiyane kusumbisha Yozefe mu Ejipitu kudi Potifare, muntu uvuabu batekemena bikole kudi Mukalenga wa bena Ejipitu. Uvua kabidi mulombodi wa bena mvita bende.

Genese 40:15

Mbangumushishe ku bukole kuetu ku bena Ebrewu. Mbamfikishe kunu, bangela mu nzubu wa lukanu, tshiyi ne bualu bundi muenze.

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Misambu 119:25

Ke meme ewu panshi mu lupuishi; umfululule bu muuvua mulaye.

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Ekesode 22:3

“Kadi bobu bamusangane ne bimuna bivuaye muibe abi bitshikale ne muoyi: ngombe, mpunde, mukoku nansha mbuji, bua tshimuna tshimue neafute bimuna bibidi.

Nsumuinu 30:2

“Bushuwa, ndi tshidingidingi ku bantu bonsu. Tshiena ne lungenyi nansha lukese lua bumuntu.

Nsumuinu 30:5

“Bionsu bidi Mvidi Mukulu ulaya udi ubikumbaja. Udi ngabu wa mvita, udi ulama muntu yonsu udi usokomena kudiye.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 52:3

Maweja-Nangila udi wamba bantu bende ne: “Bavua banufile mu bupika tshianana, kabayi nansha banusumbe. Nanku nebanupikule tshianana, kabayi bafila nansha dikuta.”

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Lewitiki 13:12

Kadi padi mutuangaji umona ne: muntu ewu udi ne mpusu mubidi mujima, ku mutu too ne ku makasa,

Lewitiki 13:16

Padi mputa awu utokoloka tshiakabidi, muntu neaye kudileja kudi mutuangaji.

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

Amosa 2:6

Teleja tshidi Maweja-Nangila wamba ne: “Ndi ndumbuluisha bena Izrayele, mbapisha bua malu mabi mavule. Nanku tshiena mbafuila luse. Nenkumbaje bindi mujadike. Ndi mbapisha, nangananga bualu mbasumbishe mu bupika muntu uvua kayi ne bualu, bua bamone mua kufuta mabanza. Mbapane mupele, uvua kayi mua kufuta dibanza diende, amu dia mukolu wa bisabata.

Matayi 16:23

Kadi Yezu kukudimuka, kuambila Petro ne: — Umbuka kundi, uye kule, diabolu! Udi ukeba kundenduisha! Bualu meji audi wela ki nga kudi Mvidi Mukulu to, kadi nga kudi bantu.

Matayi 18:25

Muntu ewu kavua ne kantu ka kuhita dibanza edi. Nanku mukalenga wende kutuma diyi bua bamupane bu mupika, bapane kabidi mukajende, bana bende, ne bionsu bivuaye nabi bua kuhita dibanza diende.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Luke 7:6

Ke Yezu kuya nabu. Pakavuaye pabuipi ne kufika ku nzubu, mfumu wa basolayi kumutumina balunda bende bua bamuambile ne: — Mfumu, kaditatshishi to. Tshiena mukumbane bua ubuele mu nzubu muanyi nansha.

Rome 3:9

Kadi bualu ebu budi bishi? Tuetu bena Yuda tudi bapite bantu bakuabu anyi? Nansha kakese! Nkadi mumane kumvuija ne: bantu bonsu, ne bena Yuda, ne bantu ba bisamba bikuabu, badi ku bumfumu bua bubi.

Rome 6:6

Tumanyayi bimpe bualu ebu ne: muntu utuvua kale awu wakafua ne Kristu ku mutshi mutshiamakane, bua mubidi wetu wa bubi ubutuke, bua katuikadi kabidi bapika ba bubi.

Rome 7:18

Bualu ndi mumanye ne: bidi bimpe kabiena bisomba munda muanyi, nkuamba ne: mu buntu buanyi butekete. Bualu nansha dijinga dia kuenza bimpe dikale munda muanyi, tshiena ne bukole bua kudikumbaja.

Ngalate 4:3

Ke mutuvua bapika ba makole a mulu, bualu tutshivua bana.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.