Rome 6:12 - MUKANDA WA MYIDI MUKULU

¹² Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku kanuitabushi bua bubi bukokeshe mu mibidi yenu ifuafua, bua nuenu nutumikile nkuka yai.

Rome 6:12 교차 참조

Genese 4:7

Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.

Misambu 119:133

Mukenji webe umpeshe bukole buonsu, bualu bubi nansha bumue kabuntshimunyi.

Misambu 19:13

Bantu bonsu badi batupakana. Umfuile luse bua bilema bindi muenze mu mpukapuka.

Lewitiki 13:40

“Padi muntu ne dibala mutu mujima, kena mupie mikiya to.

Dibadika 33:55

Panudi kanuyi bipate bena ditunga bonsu, badi bashale nebanukengeshe bikole, bu mudi misona itua mu disu, nansha bu mudi dieba ditua mu nyima. Pashishe nebanukengeshe mu ditunga dinudi nuya kusomba.

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 6:16

Nudi bamanye bimpe ne: panudi nukuatshila kampanda mudimu, nudi numutumikila. Nanku nudi ne bua kuikala bapika ba mfumu unudi nutumikila awu. nKuamba ne: nansha nudi bapika ba malu mabi adi afikisha bantu ku lufu, nansha nudi bapika bua kutumikila Mvidi Mukulu, bua amone mua kunubingisha.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

Rome 8:13

Bualu panuikala nukeba bidi buntu buenu nkayabu bujinga, nenufue. Kadi panuikala nubenga malu mabi onsu ku bukole bua Mueyelu wa Tshijila, nenuikale ne muoyi.

2 Korente 4:11

Matuku etu onsu a panu, tudi amu mu njiwu ya lufu bualu bua Yezu, bua muoyi udi Kristu ufila, umueneke kabidi mu mubidi wetu udi ne bua kufua.

2 Korente 5:4

Eyowa, patutshidi tusomba mu nzubu wetu wa panu ewu, tudi tutua mikemu bu bambule bujitu. Katuena basue kushiya mubidi wetu wa panu. Kadi tudi basue batubuikile ne mubidi wetu wa mu diulu, bua bidi ne bua kufua biandamuke bienze bia muoyi.

Ngalate 5:16

Ndi nnulomba ne: nuanyishe bua Mueyelu wa Tshijila unulombole. Kanulondi majinga mabi a buntu buenu.

Ngalate 5:24

Bantu ba Yezu Kristu mbashipe buntu buabu, babupopele pa mutshi mutshiamakane, pamue ne nkuka, ne majinga mabi abu.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

1 Tesalonike 4:5

Kanulondi lukuka lubi lua mubidi, mudi bantu badi kabayi bamanye Mvidi Mukulu benza.

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

Tite 2:12

Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

1 Petro 1:14

Nutumikile Mvidi Mukulu. Kanulondi majinga anuvua nawu kale, panuvua kanuyi banji kumanya bulelela.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.

Balombodi 2:3

Nanku ndi nnujadikila ne: tshiena ngipata bena ditunga edi kumpala kuenu to. Bena ditunga edi nebanuteye mu buteyi, nudishindamu, nutendelela mvidie yabu.