Rome 5:2 - MUKANDA WA MYIDI MUKULU

² Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Mukanda wa Nzambi Dihungila Dikulukulu ne Dihungila Dihia-dihia 2003

² Bua bualu buandi kabidi tudi ne tshibueledi tshietu bua ditabusha mu ngasa emu mutudi bashindame; tutumbile bietu bua ditekemena dia butumbi bua Nzambi.

Rome 5:2 교차 참조

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 73:24

Udi undombola mudi meji ebe, ku ndekelu neungakidile mu butumbi buebe.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Rome 11:20

Eyowa, bavua bumushe matamba awu, bualu avua apanga ditaba. Bayua bakulamike wewe pa muaba wawu, bualu bua ditaba diebe. Kadi kuditambishi nansha! Wikale ne buowa!

Rome 12:12

Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

Rome 14:4

Wewe kabidi udi nganyi bua wewe kulumbuluisha muena mudimu wa bende? Bualu, nansha yeye ukuatshila mfumuende mudimu ne dinanukila, nansha yeye mupangile mu njila, tshilumbu atshi tshidi amu tshia mfumuende wa mudimu. Kadi neakuate mudimu ne dinanukila, bualu Mfumu udi ne bukole bua kumuimanyika.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Rome 3:23

Bonsu mbenze malu mabi. Bonsu mbabule butumbi bua Mvidi Mukulu.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Rome 8:1

Nanku mpindiewu kabena bapisha kabidi badi badisanga ne Yezu Kristu.

Rome 8:24

Bualu bavua batusungidile, kadi amu bua tushale batekemena. Padi bantu bamona bidibu batekemena, kabena batekemena kabidi to. Utshidi mua kutekemena tshidiye mumone nnganyi?

1 Korente 15:1

Bana hetu, mpindiewu ndi musue kunuvuluija Lumu lua Disanka lumvua munulongeshe. Nuvua baluitabe, baluangate bu nshindamenu wa ditaba dienu.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Efeze 6:13

Nanku ambulayi bia mvita bionsu bia kudi Mvidi Mukulu. Pafika dituku dibi, nenumone mua kutuila muluishi wenu nkanana. Nenushale bimane kulu, too ne munuamutshimuna.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

Didimanyisha 21:11

Tshimenga tshivua tshiwule ne butumbi bua Mvidi Mukulu, tshibalakana bu dibue dia mushinga mukole, bu dibue dia yaspise, dimueneka munda ne panyima bu lusoka lua kristale.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.