Rome 4:6 - MUKANDA WA MYIDI MUKULU

⁶ Ke padi Davide umvuija disanka didi muntu upeta, padi Mvidi Mukulu umubingisha kabiyi bua midimu ivuaye mukuate, wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bu mudi Davidi wamba disanka dia muntu kudi Nzambi ubala buakane budi kabui bua mudimu, ne,

Rome 4:6 교차 참조

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 33:16

Nenku bukalenga bua Yuda kabuakuikala kabidi mu bianza bia baluishi babu nansha. Bena Yerushalayime nebasombe talalaa. Nanku, nebinyike Yerushalayime ne: “Maweja-Nangila ke udi utusungidila.”

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Matayi 25:19

Matuku mavule apita, mfumu wa bena mudimu aba kupingana, kubadika bintu ne bena mudimu bende.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 3:27

Nanku kutshidi tshintu tshidi bantu mua kuditemba natshi anyi? Nansha kakese! Katshienaku nansha tshimue. Katshienaku bua tshinyi? Badi mua kuditemba bua mikenji idi ibafundila mudimu wa kuenza anyi? Nansha kakese! Amu mikenji idi ibafikishaku ditaba ke idi ne bualu.

Rome 4:11

Kunyima kua matuku mavule bakateka Abrahame panshi, bua bikale bu tshimanyinu tshidi tshileja ne: Mvidi Mukulu mmumutue tshitampi, bualu mmumubingishe amu bua ditaba, pavuabu kabayi banji kumuteka panshi. Nenku Abrahame udi tatu wa bantu bonsu badi bitaba Mvidi Mukulu, nansha kabayi babateka panshi, kabidi badi Mvidi Mukulu ubingisha.

Rome 4:24

Bavua bayifunde kabidi ne buetu tuetu, badi Mvidi Mukulu ne bua kuhingisha, bualu tudi tuitaba uvua mubishe Yezu Mfumu wetu ku lufu, mumupingajile muoyi.

Rome 4:5

Kadi diba didi muntu kayi wenza bualu, utekemena amu kudi Mvidi Mukulu udi ufuila bantu babi luse. Mvidi Mukulu udi umubingisha bua ditaba diende adi.

Rome 4:7

“Bena diakalenga mbadi Mvidi Mukulu ufuila luse, badiye ujimijila mibi yabu!

Rome 4:9

Amu bantu badibu bateke panshi ke badi ne diakalenga edi anyi? Nansha kakese! Badibu kabayi bateke panshi kabena nadi anyi? Tudi tufuma ku diamba ne: “Mvidi Mukulu uvua mubingishe Abrahame amu bua ditaba diende.”

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 3:14

Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Ngalate 4:15

Nuvua basanke be! Kadi disanka adi diepi? Ndi nnujadikila ne: bu biobi mua kuenzeka, diba adi nuenu bonsu nuvua mua kuditonkona mesu, kuampesha.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.