Rome 3:5 - MUKANDA WA MYIDI MUKULU

⁵ Kadi padi malu mabi atudi tuenza aleja mudi Mvidi Mukulu ubinga, tudi mua kuamba tshinyi? Nanku Mvidi Mukulu udi upila padiye utunyoka anyi? (Ndi ngakula mudi bantu bakula.)

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bikala bubi buetu buladika buakane bua Nzambi, netuambe tshinyi? Nzambi udi uvuisha tshishi udi mubi, anyi? (Ndi ngakula bu mudi bantu bakula.)

Rome 3:5 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Yobe 8:3

Udi muitabe bulelela ne: Mvidi Mukulu, udi mua kubenga malu makane anyi? Wa bukole buonsu udi mua kupanga kulonda meji mimpe anyi?

Nahume 1:2

Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Rome 3:7

Kadi padi dishima dianyi dileja patoke menemene bulelela bua Mvidi Mukulu, dilengelela nanku butumbi buende, mudibu ne bua kumpisha kabidi bu muntu udi wenza bibi mbishi?

Rome 4:1

Nanku netuambe bishi bua nkambua wetu Abrahame? Tshivuaye mupete ku bivuaye muenze ntshinyi?

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

Rome 6:1

Nanku netuambe bishi? Tudi mua kunanukila mu dienza dia malu mabi, bua dinanga didi Mvidi Mukulu utuleja dipite kuelangana anyi?

Rome 6:19

Ndi ngumvuija ne tshimfuanyi tshia bupika, musombele bantu bamba, bua numvue bimpe bindi ndongesha. Kale nuvua nufila bidimba bienu ne muoyi wenu mujima bua bikale bapika ba malu mabi ne ba buenzayi, bua nuenze nabi bidi Mvidi Mukulu ubenga. Momumue mpindiewu nubifile ne muoyi wenu, bua bikale bia tshijila, bua nuenze nabi bidi Mvidi Mukulu musue.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.

1 Korente 15:32

Bu meme muluangane ne “Nyama wa lonji” munu mu Efeze amu bua kupeta bia panu, bimvua mupete mbinganyi? Nanku padi bafhe kabayi babika ku lufu, ndondayi kasumuinu ka ne: “Tudiayi, tunuayi, bualu maloba tudi tufue.”

1 Korente 9:8

Tshiena njadika bindi ngamba ebi amu ne bilejilu bidi bantu bonsu bamanye to. Mikenji ya Moshe kabidi idi ilongesha bualu bua momumue.

2 Korente 6:4

Kadi mu malu onsu tudi tuleja mutudi tukuatshila Mvidi Mukulu mudimu. Tudi tulama lutuulu mu makenga, mu ntatu, ne mu njiwu.

2 Korente 7:11

Monayi muvua Mvidi Mukulu mukuate mudimu ne dibungama dinuvua nadi! Mpindiewu nukadi nutua tshilumbu atshi tshiadi. Nukadi nukeba kuleja munudi babinge! Nudi bafikile muena tshibawu munda. Nudi nutshina tshiji tshianyi, nujinga kumonangana nanyi! Nudi ne disuminyina, nukeba kunyoka badi benza bibi! Ke munudi baleje muenu muonsu munudi babinge mu tshilumbu atshi.

Ngalate 2:18

Kadi meme mulongeshe tshiakabidi ne: nulonde mikenji, imvua mukandike ne: kanuyilondi, ndi ndienza mushipi wa mikenji.

Ngalate 3:15

Bana hetu, ndi nnutekela tshilejilu: padi muntu mufunde mukanda mumanyike, mumanyishe bantu diyi diende dia ndekelu, muntu mukuabu kena mua kushipa mukanda awu, nansha kusakidilaku bualu.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!