Rome 2:4 - MUKANDA WA MYIDI MUKULU

⁴ Udi upepeja dinanga dikole didi Mvidi Mukulu utuleja, lutulu luende, kabidi ne muoyi wende wa kalolu anyi? Kuena mumanye ne: dinanga didi Mvidi Mukulu ukuleja didi ne bua kukusaka bua udilengeje anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Anyi udi uhetula bubanshi bua buimpe bua Nzambi ne lutulu luandi ne luse lua musangu mule; kuena mumanye ne luse lua Nzambi ludi lukukoka ku dikudimuna dia mutshima, anyi?

Rome 2:4 교차 참조

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Misambu 31:19

Bena dishima aba bashale tumama. Badi baditambisha, bapepeja bantu badi kabayi ne bualu, babafunda.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Ekesode 34:6

Pashishe, kupitaye kumpala kua Moshe wamba kabidi ne: “Ndi Maweja-Nangila Mvidi Mukulu wa luse ne dinanga, ndi ne lutulu luvule, ndi nkumbaja bionsu bindi ndaya bantu, tshiena mfika munda lukasa.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yirmeya 7:10

Pashishe nudi nuimana kumpala kuanyi mu nzubu wanyi wa tshijila, nuamba ne: ‘Tudi bamane kupanda!’ Eku nudi nutungunuka ne dienza bindi meme mubenge.

Yezekiyele 11:19

Nennupeshe bonsu muoyi wa mushindu umue. Nembueje munda muenu lungenyi lupialupia. Nengumushe muoyi unudi nawu mupape bu dibue. Nennupingajile muoyi wa kalolu.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Yona 4:2

Kuambilaye Maweja-Nangila ne: — Kia! Maweja-Nangila, ke tshimvua ntshina etshi, pamvua kuetu. Ke mumvua munyeme bua kuya ku Tarshishe. Mvua mumane kumanya bimpe ne: wewe udi Mvidi Mukulu wa luse ne dinanga. Udi muena lutulu. Dinanga diebe kadiena ne ndekelu. Udi amu musue kulekela kukumbaja biuvua mukanyine nabi bantu.

Dibadika 14:18

“Meme ndi Maweja-Nangila. Ndi ne luse lua bungi. Tshiena mfika munda lukasa. Ndi mfuila bantu luse bua mibi yabu, ne bua ditomboka diabu. Kadi tshiena mbingisha muntu udi mupile. Ndi nnyoka muana wa ku ndelanganyi misatu nansha minayi bua mibi ya baledi bende.”

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Rome 3:25

Mvidi Mukulu uvua mufile Yezu Kristu bu mulambu, bua bantu badi bamuitaba bapete dijimija dia mibi ku lufu luende. Ke muvua Mvidi Mukulu musue kuleja mudiye ubinga: kale uvua ulama lutulu, kayi unyoka bantu bua malu abu mabi.

Rome 6:1

Nanku netuambe bishi? Tudi mua kunanukila mu dienza dia malu mabi, bua dinanga didi Mvidi Mukulu utuleja dipite kuelangana anyi?

Rome 6:15

Kadi bualu ebu budi bishi? Tuye kuenza malu mabi, bualu katuena kabidi ku bumfumu bua mikenji, kadi amu bua dinanga divua Mvidi Mukulu mutuleje anyi? Nansha kakese!

2 Korente 8:2

Makenga a bungi avua makuate bena ditaba aba, abateta. Kadi bavua amu ne disanka dipite. Ke muyuabu bafile bintu ne kalolu, nansha bobu mene nabi bikese.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Efeze 2:4

Kadi Mvidi Mukulu udi ne luse lunene, kabidi udi utunanga bikole.

Efeze 2:7

Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Filipe 4:19

Bilondeshile biuma biende ne butumbi buende, Mvidi Mukulu neanupeshe kudi Yezu Kristu bionsu binudi nukengela.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

1 Timote 1:16

Ke padi Mvidi Mukulu mumfuile meme luse. Uvua musue bua Yezu adianjile kuleja lutulu luende luonsu kundi meme, muntu mubi mupite bakuabu. Ndi mushale mpindiewu tshilejilu tshidi mua kulongesha bantu bonsu matuku adi kumpala ne: nuenu bitabe Yezu Kristu, nenupete muoyi wa kashidi.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Petro 3:20

Ke bantu bavua babenge kutumikila Mvidi Mukulu ku kale. Mvidi Mukulu uvua windila ne lutuulu, mu tshikondu tshivua Nowa muenze buatu. Bantu bakese, bonsu basanga amu muanda mukulu, ke bavua babuele mu buatu, bapandile ku mayi.

2 Petro 1:11

Ke munudi mua kubuela mu Bukalenga bua kashidi bua Mfumu wetu ne Musungidi Yezu Kristu.

2 Petro 3:15

Nuvuluke ne: padi Mfumu munulamine lutuulu, mmusue bua nupete mushindu wa kupanda. Ke bivua muanetu musuibue Polu munufundile ne meji mavule avua Mvidi Mukulu mumupe.

2 Petro 3:3

Bangabanga numanye ne: matuku a nshikidilu nekupatuke bantu badi balonda amu majinga abu. Nebanuseke, banuebeja ne:

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.

Didimanyisha 2:21

Mvua muanji kumutangila mutantshi, bua adilengeje. Kadi kena musue kulekela malu ende a bundu to.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.