Rome 2:1 - MUKANDA WA MYIDI MUKULU

¹ Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku, wewe kampanda, utu walumbuluisha bakuabo, kuena ne tshia kudibingisha nʼatshi; udi udihisha biebe ne dilumbulula diudi ulumbuluisha nʼadi mukuabo; bualu bua hawalumbuluisha mukuabo, wewe utu wenza malu momumue.

Rome 2:1 교차 참조

Luke 12:14

Ke Yezu kumuandamuna ne: — Muntu, udi munteke munukosedi wa nsambu, ne muabanyinyi wa biuma bienu nnganyi?

Luke 19:22

Mukalenga kumuandamuna ne: “Udi muena mudimu mubi. Nenkose tshilumbu tshiebe bilondeshile miaku yebe. Uvua mumanye mundi muntu wa tshikisu, ngangata bintu bidi kabiyi bianyi, nnowa bindi tshiyi mukune.

Luke 6:37

“Kanutangidi bantu bakuabu bu bantu babi, bua Mvidi Mukulu kanutangidi nuenu kabidi nanku. Kanudiwulu bakuabu, bua Mvidi Mukulu kanudiwulu nuenu kabidi. Nu-mvuilangane luse, nanku Mvidi Mukulu neanumvuile kabidi luse.

Rome 14:22

Biudi witaba nkayebe mu bualu ebu, udilaminebi munda muebe kumpala kua Mvidi Mukulu. Muntu udi wenza bualu kampanda, kayi udiumvua ne: ndi muena tshibawu, mmuena diakalenga.

Rome 2:2

Tudi bamanye ne: Mvidi Mukulu udi upisha amu pa bualu bantu badi benza malu a nanku.

Rome 2:3

Wewe udi ulumbuluisha badi benza malu a nanku, wenza kabidi a momumue, udi wela meji ne: neupanduke ku tshilumbuluilu tshia Mvidi Mukulu anyi?

Rome 3:9

Kadi bualu ebu budi bishi? Tuetu bena Yuda tudi bapite bantu bakuabu anyi? Nansha kakese! Nkadi mumane kumvuija ne: bantu bonsu, ne bena Yuda, ne bantu ba bisamba bikuabu, badi ku bumfumu bua bubi.

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

1 Korente 7:16

Wewe mukaji muena ditaba, udi mua kujadika ne: neusungidile bayebe anyi? Nansha wewe mulume muena ditaba, udi mua kujadika ne: neusungidile mukajebe anyi?

Yakobe 2:20

Kadi wewe udi muntu mubule lungenyi! Udi musue bua nkujadikile ne: ditaba, didi kadiyi didileja mu bitudi tuenza, didi tshianana anyi?

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.