Rome 12:12 - MUKANDA WA MYIDI MUKULU

¹² Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nusanke mu ditekemena dienu, nuikale ne ditantamana mu makenga; nunanukile mu kutendelela.

Rome 12:12 교차 참조

Misambu 109:4

Nansha meme mubanange, badi bansonguela, kadi meme ndi ntendelela bua baluishi banyi,

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Misambu 40:1

Musambu wa mu mukanda wa mulombodi wa bena misambu. Wa mu mukanda wa misambu ya Davide.

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Nsumuinu 10:28

Tshidi bantu bakane mua kutekemena ke disanka, bantu babi kabena mua kutekemena tshintu nansha tshimue.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Luke 10:20

Kadi kanusanki nangananga bualu mikishi mibi idi inutumikila. Nusanke amu, bualu mbamane kufunda mena enu mu diulu.

Luke 21:19

Nenupande amu panuikala nunanukila.

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Bienzedi 1:14

Bonsu bavua muoyi umue, bananukila mu ditendelela, pamue ne bakaji bakuabu, kabidi ne Mariya, mamuende wa Yezu, ne bana babu ne Yezu.

Bienzedi 12:5

Pavua Petro mu lukanu, bena ditaba bavua batendelela Mvidi Mukulu muabu muonsu, bamuakuila.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 6:4

Tuetu netutungunuke ne mudimu wetu wa kutendelela Mvidi Mukulu, ne wa kulongesha muaku wende.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Rome 8:25

Kadi patudi tutekemena tshitudi katuyi bamone, tudi tutshindila ne lutuulu.

1 Korente 13:13

Mpindiewu, bisatu abi bidi bishala: ke ditaba, ditekemena, ne dinanga. Kadi ku bisatu abi tshidi tshipite bikuabu ke dinanga.

2 Korente 12:8

Mvua mulombe Mfumu misangu isatu, bua angumushile dikenga edi.

Filipe 3:1

Nanku bana hetu, nusanke bua panudi badisange ne Mfumu. Kabiena bintonda bua kunufundila amu malu a momumue. Bualu malu awu adi anulengelela.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Kolose 1:11

Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

1 Tesalonike 5:8

Kadi tuetu badi benda mu munya, tudilame ku bunuavi ne ku budiavi. Tudi ne bua kuvuala ditaba ne dinanga, mudibu bavuala kazaku ka tshiamu mu mvita. Tuvuale kabidi ditekemena dia tuetu kupanda, mudibu basa tshifulu tshia tshiamu ku mutu.

2 Tesalonike 1:4

Ke patudi tuditemba bualu buenu mu Bisumbu bionsu bia bena ditaba ba Mvidi Mukulu. Bualu nansha mu makenga adibu banukengesha nawu, nansha mu ntatu inudi numona, nudi amu nunanukila bashindame mu ditaba.

2 Tesalonike 3:5

Mfumu unzulule mioyi yenu, bua nuakidile Mvidi Mukulu udi ununanga, nuakidile kabidi Yezu udi ufila lutulu.

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

2 Timote 3:10

Kadi wewe uvua mundonde mu bimvua ndongesha, mu bimvua ngenza, kabidi ne mu bimvua ngipatshila. Uvua muidikije ditaba dianyi, lutuulu banyi, dinanga dianyi, muoyi mukole umvua nawu.

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Tite 3:7

Nanku Mvidi Mukulu kudibingisha, bualu udi utunanga. Ke mutudi mua kupiana muoyi wa kashidi utudi ditekemena.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.

Ebrewu 6:15

Abrahame kuindila ne lutulu. Ke muvuaye mupete tshivua Mvidi Mukulu mumulaye atshi.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

1 Petro 4:13

Panudi nudisanga ne Kristu mu makenga ende, nusanke. Nanku pamueneka butumbi buende, nenusanke kabidi nutshionkomoka.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

2 Petro 1:6

ku dimanya didikolela, ku didikolela dinanukila, ku dinanukila dinemeka Mvidi Mukulu,

Didimanyisha 13:10

Muntu udibu bafundile lukanu, nebaye nende mu lukanu. Muntu udibu bafundile kufua ku muele wa mvita, neafue ku muele wa mvua. Ke padi bantu ba Mvidi Mukulu ne bua kunanukila mu dikenga, kuleja ditaba diabu.”