Rome 12:11 - MUKANDA WA MYIDI MUKULU

¹¹ Nukazamuke, nukuate mudimu, nulekele lulengu. Nukuatshile Mfumu mudimu ne muoyi wenu mujima, kabidi ne disuminyina.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu disuminyina kanuikadi bashanguluki; nuikale ne lukunukunu mu mitshima yenu; nukuatshile Nzambi mudimu.

Rome 12:11 교차 참조

Ekesode 5:17

Mukalenga wa bena Ejipitu kubandamuna ne: — Nuenu, nudi bena lulengu ba kalandamusenga. Ke panudi nundomba bua kuya kulambula Maweja-Nangila milambu.

Nsumuinu 10:26

Maluvu a buanji adi afila buanji ku menu, muinshi udi ukunjija mesu. Ke mudi muena lulengu ufikisha mfumuende munda.

Nsumuinu 13:4

Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Nsumuinu 18:9

Muntu udi ulengulula mudimu wende mmuanabu ne muntu udi uunyanga.

Nsumuinu 22:29

Wewe mumone muntu wenza mudimu wende bimpe: muntu ewu udi mua kukuatshila nansha bamfumu mene mudimu, pa mutu pa kunkuatshila bantu ba lukutukutu.

Nsumuinu 31:15

Udi ujuka patshiatshia, ulambila bena mu nzubu muende tshiakudia, wabanyina bakaji bena mudimu midimu ya kuenzabu.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yeshaya 56:10

Balombodi ba bantu banyi bena Izrayele, badi bampofu bonsu. Kabena bamanye kalu. Bonsu buabu badi bu mbua idi kayiyi yenza mutoyi, kayiyi ibuluka. Badi balotakana, badiolola panshi, basue kulala amu tulu.

Matayi 24:12

Bubi nebuvulangane. Nanku dinanga dia bantu ba bungi nedituye.

Matayi 25:26

Mfumuende kuandamuna ne: “Muena mudimu mubi, wa lulengu! Uvua mumanye mundi nnowa, tshiyi mukune; ngaka, tshiyi mumiamine ntete.

Bienzedi 18:25

Bavua bamulongesha njila wa Mfumu. Uvua ulongesha pende ne disuminyina, umanyisha bantu malu a Yezu bijalame, kayi utupakana. Kadi uvua mumanye amu muvuabu batua bantu mu mayi mushindu uvua Yowanane muenze.

Bienzedi 20:19

Mvua mukuatshile Mfumu mudimu ne bupuekele buonsu. Bena Yuda bavua bambungamija, bankengesha, bualu bavua bangelela bifufu bibi.

1 Korente 7:22

Bualu mupika uvua Mvidi Mukulu mubikile, mbamane kumupikula, bualu ukadi wa Mfumu. Momumue kabidi, muntu uvua kayi mupika diba divua Kristu mumubikile, ukadi mupika wa Kristu.

Efeze 4:28

Nanku, muntu uvua wiba, alekele kuiba, akuate mudimu muimpe, bua kudidisha, ne bua amone mua kuambuluisha kabidi udi mu dikenga.

Kolose 4:1

Nuenu bamfumu, enzelayi bapika benu bilenga bionsu binudi ne bua kubenzela. Nuvuluke ne: nuenu kabidi nudi ne Mfumu mu diulu.

1 Timote 5:13

Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

Didimanyisha 2:4

Kadi bualu bundi nkudiwila, mbua paudi kutshiyi munnange bu kumpala.