Rome 12:10 - MUKANDA WA MYIDI MUKULU

¹⁰ Nanganganayi, mudi bana ba muntu umue banangangana. Nunemekangane ne disuminyina.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu dinanga dia bana benu ba mu Kilisto nunangangane, muntu ne muntu; mu buneme muntu ne muntu ateke mukuabo ku mpala.

Rome 12:10 교차 참조

Genese 13:9

Buloba mbunene, tuabulukangane. Sungula luseke luudi musue. Paudi uya ku mutu kua ditunga, meme nenye kuinshi kuadi. Paudi uya kuinshi kua ditunga, meme nenye ku mutu kuadi.

Yobe 1:4

Misangu yonsu, bana bende ba balume bavua baya, lelu mua muanabu kampanda, maloba mua mukuabu. Diba adi, bavua babikila kabidi bana babu ba bakaji bua kudia kuondoloka.

Misambu 133:1

Musambu wa bena ngendu udi mu mukanda wa misambu ya Davide. Eyi, bidi bilenga, bidi disanka bua kusomba pamue bu bena muntu!

Yirmeya 38:12

Pashishe, Ebede-Meleke muena Kushe, kuambila Yirmeya ne: — Ubueje mikusu ya bilamba eyi mu mapa, ne mionji muinshi mua mikusu. Yirmeya mumane kuenza nanku,

Matayi 20:26

Kadi munkatshi muenu kabiena mua kuenzeka nanku to. Wa kunudi udi musue kuikala ne muanzu, ikala muena mudimu wenu.

Luke 14:10

Kadi pikalabu bakubikila, uye kusomba ku ndekelu. Pikala udi mukubikile ufika, neakuambe ne: “Muanetu, bandila kumpala, ku muaba muimpe.” Nanku neupete lumu kudi bantu bonsu bawikala nabu ku mesa.

Yowanane 15:17

Nanku mukenji undi nnuela udi ne: nunangangane.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Bienzedi 4:32

Bena ditaba bonsu bavua ne muoyi umue, kabidi ne lungenyi lumue. Muntu nansha umue kavua wamba ne: bintu ebi mbianyi meme. Kadi bonsu bavua basangisha bionsu kaba kamue.

Rome 13:7

Nulambuile bonsu binudi ne bua kubalambuila. Nulambule tshitadi kudi udi utshilambuisha. Nufute binudi ne bua kuhita. Nutshine unudi ne bua kutshina. Nunemeke unudi ne bua kunemeka.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Filipe 2:3

Kanuenji bualu nansha bumue ne meji a lubabu, nansha a kuditemba patupu. Kadi nudipuekeshe kudi bakuabu. Muntu yonsu atangile bantu bakuabu bu badi bamupite.

Kolose 1:4

Bualu tudi bumvue lumu lua munudi nuitaba Yezu Kristu, nunanga bantu bonsu badi bitaba Mvidi Mukulu.

1 Tesalonike 4:9

Kanuena nukengela bua tunufundile, nuenu bena ditaba, munudi ne bua kunangangana, bualu Mvidi Mukulu nkayende mmunulongeshe munudi mua kuenzelangana bimpe.

2 Tesalonike 1:3

Bana hetu, tudi tuela Mvidi Mukulu tuasakidila bualu buenu, katuyi tupungila. Bidi bimpe bua tuetu kuenza nanku, bualu ditaba dienu didi diya amu kumpala, dinanga kabidi didi yonsu wa kunudi munange nadi bakuabu didi didiunda amu kudiunda.

Ebrewu 13:1

Nunangangane ne dinanukila bualu nudi bana babu ne Kristu.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 2:17

Nunemeke bantu bonsu. Nunange bena ditaba nenu. Nutshine Mvidi Mukulu. Nunemeke mukalenga wa bakalenga.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

2 Petro 1:7

ku dinemeka Mvidi Mukulu diumvuangana dia buena muntu, ku diumvuangana dia buena muntu dinanga.

1 Yone 4:11

Balunda banyi, padi Mvidi Mukulu mutunange nanku, tuetu kabidi tudi ne bua kunangangana.

1 Yone 4:20

Muntu udi wamba ne: “Ndi munange Mvidi Mukulu,” kadi ukina muanabu, mmuena dishima. Bualu kena mua kunanga Mvidi Mukulu udiye kayi umona, padiye ukina muanabu udiye umona.