Rome 1:30 - MUKANDA WA MYIDI MUKULU

³⁰ bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ bena bunsonge, bena lukuna ne Nzambi, bena dikamakama, badisu, bafunyifunyi, babangi ba malu mabi mahia-mahia, bahidi ba mei a baledi babo,

Rome 1:30 교차 참조

1 Bakalenga 20:11

Akabe, mukalenga wa bena Izrayele, kuandamuna ne: — Nuwluije Benadade lusumuinu ludibu bela ne: “Patshidi muntu uya mu mvita, kena mua kuditambisha bu mumane kutshimuna.”

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!

2 Kulondolola 25:19

Udi udisua bualu uvua mutshimune bena Edome! Eyowa, udi usanka uditambisha. Kadi somba amu ku nzubu kuebe! Kuena mumanye ne: mvita iudi ujinga ayi, neyikukebele anu makenga anyi? Bualu nebakutshimune wewe ne bena mvita bonsu ba bena Yuda.”

Misambu 10:3

Muntu mubi udi uditambisha bua buenzayi buende. Muena lubombu udi utshipa Maweja-Nangila, umuseka.

Misambu 106:39

Pakenzabu malu aa, kudipishabu mikiya, mbuendenda mene.

Misambu 49:6

Padi makenga makole mankuate, bena mutshima bangela munkatshi, bankengesha, nempampakene tshinyi?

Misambu 5:5

Mvidi Mukulu, wewe kuena wanyisha buenzayi. Muntu mubi kena mua kufika kuudi.

Misambu 52:1

Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Misambu 81:15

diakamue nentekeshe baluishi babu, nenkume bena lukuna babu.

Misambu 94:4

Bantu bonsu badi benzela bakuabu bibi, badi bakula bibi ne kapeja, baditambisha.

Misambu 97:7

Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Misambu 99:8

Maweja-Nangila Mvidi Mukulu wetu, uvua ubitaba, wewe ke Mvidi Mukulu uvua ubaleja lutulu, kadi uvua mubanyoke bua malu mabi abu.

Nsumuinu 24:8

Muntu udi wela meji a kuenza bibi, udi upeta lumu bu lua muena buenzayi.

Nsumuinu 25:23

Lupepele lua ku mutu kua ditunga ludi lufuma ne mvula. Ke mudi biambamba bijula tshiji tshia bantu ba bungi.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Nsumuinu 8:36

Kadi muntu udi ungenzela malu mabi, udi udienzela bibi yeye nkayende. Udi unkina, mmunange lufu.”

Muambi 7:29

Tshintu tshimue tshindi mumanye ntshietshi: Mvidi Mukulu uvua mufuke muntu muakanangane ku bionsu. Kadi muntu ewu kudibuejakaja mu malu a bungi.

Yezekiyele 14:5

Diandamuna dianyi, nedinyingalaje bena Izrayele bavua bambenga, banange amu mvidie yabu ya bukoya.”

Yezekiyele 22:7

Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Dibadika 10:35

Pavua bantu bajuka ne mushete wa ndondu, Moshe uvua wela diyi dikole, wamba ne: “Maweja-Nangila, juka, bua bena lukuna bebe bamuangalake, baluishi bebe banyeme!”

Matayi 15:4

Bualu Mvidi Mukulu uvua muambe ne: “Nemeka tatuebe ne mamuebe.” Uvua muambe kabidi ne: “Udi wamba tatuende nansha mamuende bibi, basangane kumushipa anyi? Bamushipe!”

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

Luke 21:16

Nansha batatuenu mene, bamamuenu, bana benu, bena diku dienu, ne balunda benu, nebanufunde ku tshilumbu. Nebashipe bamue ba kunudi.

Yowanane 7:7

Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

Bienzedi 5:36

Matuku makese aa, Teyudase kupatuka, udiamba mudiye muambi wa Mvidi Mukulu. Bantu bu nkama inayi kumuitaba. Kadi kumushipabu. Bonsu bavua bamuitaba, kutangalaka. Lumu lua tshisumbu tshiende kujika.

Rome 2:17

Kadi wewe udi witaba ne: ndi muena Yuda. Udi ushindamena pa mikenji, uditemba bualu bua Mvidi Mukulu webe.

Rome 2:23

Udi uditambisha, bualu udi mumanye mikenji. Kadi kuena unemeka Mvidi Mukulu, paudi wenza bidi mikenji ibenga!

Rome 3:27

Nanku kutshidi tshintu tshidi bantu mua kuditemba natshi anyi? Nansha kakese! Katshienaku nansha tshimue. Katshienaku bua tshinyi? Badi mua kuditemba bua mikenji idi ibafundila mudimu wa kuenza anyi? Nansha kakese! Amu mikenji idi ibafikishaku ditaba ke idi ne bualu.

2 Korente 10:15

Nanku katuena tusambuka mikalu. Katuena tuditemba bua midimu ivua bakuabu bakuate. Kadi tudi batekemene ne: ditaba dienu nedikole, bua tumone mua kukuata mudimu mupite bunene munkatshi muenu, katuyi tupita mikalu ivua Mvidi Mukulu mutufundile.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Dielulula 27:16

“Muntu yonsu udi kayi unemeka tatuende ne mamuende, asangane muena tshibawu kuenza anyi?” Bantu bonsu ne: “Enze!”

Dielulula 7:10

Kadi badi bamubenga, udi ubanyoka lukasa, ubabutula.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

2 Timote 3:2

Bualu bantu nebadinange. Nebanange bubanji. Nebaditembe, baditambisha, bapenda Mvidi Mukulu. Nebatombokele baledi babu. Kabakuvuluka kabidi bantu bavua babenzele bimpe. Kabakunemeka bidi bia tshijila.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Yakobe 3:5

Ke mudi ludimi tshitupa tshikese menemene tshia mubidi, kadi ludi mua kuditemba bua malu manene adilu luenza. Tuvuluke mudi kapia kakese mua kosha difu dinene!

Yakobe 4:16

Kadi mpindiewu nudi nuditambisha, nudiela mulu. Budiambi bua nanku mbubi.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.