Osheya 9:8 - MUKANDA WA MYIDI MUKULU

⁸ Muambi, nsentedi wa bena Efrayime, Mvidi Mukulu udi nende. Kadi, badi bamuteya, miaba yonsu idiye upitshila. Mu ditunga dia Mvidi Mukulu wende, muambi udi amu umona bena lukuna.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bena Efelayima badi balamina Nzambi wanyi; buteyi bua tshilembi tshia nyunyu budi mu nshila ya baprofete, ne lukuna ludi mu nsubu wa Nzambi wandi.

Osheya 9:8 교차 참조

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 18:1

Matuku a bungi mamane kupita, munkatshi mua tshidimu tshisatu tshia munanga, Maweja-Nangila kuambila muambi Eliya ne: — Uye kudi mukalenga Akabe, umuambila ne: Meme Maweja-Nangila nendokeshe mvula pa buloba buvua bumisha kudi munanga.

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

1 Bakalenga 22:11

Muntu mukuabu, Sedekiya, muana wa Kenaane, uvua muenze nsengu ya tshiamu, wamba ne: — Maweja-Nangila udi wamba ne: “Nsengu eyi, ke tshimanyinu tshidi tshileja bukole bundi mua kubutula nabu bena mvita ba bena Siriya.”

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

1 Bakalenga 22:28

Mika kuandamuna ne: — Wewe mupingane katakata, nanku Maweja-Nangila kena muambe bualu mukana muanyi to.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

2 Bakalenga 13:21

Dituku dikuabu, bantu bavua baya kujiika tshitalu. Diakamue, kumonabu bivi abu. Kuimanshabu tshitalu tshivuabu natshi mu lukita lua Elisha, kunyemabu. Anu tshitalu atshi tshilengangane ne mifuba ya muambi Elisha, muntu mufue kufululuka, kuimana kulu.

2 Bakalenga 2:14

Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

2 Bakalenga 2:21

Elisha kuya ku mpokolu, kuela luepu mu mayi awu, wamba ne: — Maweja-Nangila, udi wamba ne: “Ndi mulengeje mayi aa. Kaena mua kushipa bantu kabidi, nansha kutudisha mafu to.”

2 Bakalenga 4:41

Ke muambi kulombesha bukula, kubuela mu nsupu, kuambila muena mudimu wende ne: — Pesha bantu aba nsupu ewu, banue! Nanku bintu bivua mu luesu bikavua bimpe, bikumbane mua kubidia.

2 Bakalenga 4:43

Kadi muena mudimu kumukonka ne: — Biakudia ebi, ndi mua kudisha nabi bantu lukama munyi? Muambi Elisha kumuambila kabidi ne: — Abanyine bantu bonsu biakudia ebi, bualu Maweja-Nangila udi wamba ne: “Muntu yonsu neapete biakudia bikumbane, bikuabu nebishale.”

2 Bakalenga 5:14

Namane kuya ku Yardene, kudiina mu mayi misangu muanda mutekete, bu muvua muambi Elisha mumuambile. Nanku disama diende kujikadi. Dikoba diende kushala bu dia muana mutekete.

2 Bakalenga 5:27

Bualu, disama dia nsudi divua nadi Namane nedikuambulukile, wewe ne ndelanganyi yebe kashidi! Ngeyazi umuka muaba uvua muambi Elisha, mubidi wende uvua mutoke too bu busu bua ndanda ne disama dia nsudi.

2 Bakalenga 7:19

Muntu uvua wenda miaba yonsu ne mukalenga wa bena Izrayele uvua mubenge, wamba ne: “Nansha Maweja-Nangila mutunzuluile biibi bia mu diulu bua kututumina ntete, bualu buudi wamba ebu budi mua kuenzeka anyi?” Nanku, muambi Elisha uvua mumuandamune ne: “Eyowa, wewe neumone bualu ebu. Kadi kuakudia bintu abi to.”

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Misambu 124:7

Tuakapandukamu, bu mudi nyunyi utuka mu bukondu bua mukuatshi wa tunyunyi; bukondu kupandika, tuetu kupanduka.

Muambi 9:12

Bualu muntu kena mumanye diba didi dikenga dimukuata to. Udi umona dikenga dimukuata mu mpukapuka, amu mudi mushipa upia ku bukondu nansha nyunyi uditua mu nsumba.

Musambu wa Solomo 3:3

Meme kusambakena ne balami ba tshimenga, badi benda batentekela musoku, kubakonka ne: “Nuvua bamoneku munanga wanyi anyi?”

Yeshaya 62:6

Ndi muteke batentekedi pa bimana biebe wewe Yerushalayime. Kabena ne bua kupuwa, nansha munya nansha butuku. “Nuenu badi bavuluija Maweja-Nangila malaya avuaye mulaye bena Yerushalayime, kanuladi nansha kakese.

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Yirmeya 14:13

Ke meme kuandamuna ne: — Eyi Maweja-Nangila Mvidi Mukulu, bambi badi babambila ne: “Kanuakuikala ne mvita nansha tshiyole tshia nzala to. Bualu Mvidi Mukulu mmunulaye ne: nenusombe anu talalaa mu ditunga dienu.”

Yirmeya 23:13

“Bimvua mumone kudi bambi ba mu Samariya, bivua bintonde menemene. Meme Maweja-Nangila ndi ngamba nanku. Bavua bakula mu dina dia mvidie Baale. Bavua bapambule bantu banyi bena Izrayele.

Yirmeya 31:6

Dituku adi batentekedi nebele mbila pa mikuna ya Efrayime bamba ne: ‘Tuyayi ku mukuna wa Siyone kudi Maweja-Nangila Mvidi Mukulu!’ ”

Yirmeya 6:14

Dikenga dia bantu banyi bena Izrayele kadiena ditanda bantu aba to. Badi bamba ne: “Kakuena bualu to, malu onsu adi amu mimpe.” Eku malu onsu mmamane kunyanguka.

Yirmeya 6:17

Ndi mubatekele batentekedi bua kubadimuja, bua kubambila ne: Nudimuke, nuteleje mpungi! Kadi kubengabu ne: “Katuena tuteleja to.”

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 3:17

— Muntu, ndi nkuteka mutentekedi bua kudimuja bena Izrayele. Neuteleje miaku yanyi. Neuyimanyishe bena Izrayele bua badimuke.

Yezekiyele 33:7

Yezekiyele, wewe ke undi muteke mutentekedi bua kudimuja bena Izrayele. Uteleje mundi nkuambila, ubele bena Izrayele mu dina dianyi.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Osheya 9:9

Nudi benza buenzayi bapitshishe, anu bu munuvua benze ku Ngibeya. Kadi, Maweja-Nangila kena mupue buenzayi buenu muoyi, neanunyoke bua malu mabi anuvua benze.

Mika 7:4

Bu mu mionji ya mpesa tshisumbu, kamuena bualu buimpe nansha bumue munkatshi muabu. Nansha muntu wa kudibu udi ubenga malu mabi, udi mubi mupite lupangu lua mingonga. Kadi dituku dia kununyoka, divua bambi benu banubela nadi, dikadi disemena pabuipi. Bowa mbumane kunukuata.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Rome 3:7

Kadi padi dishima dianyi dileja patoke menemene bulelela bua Mvidi Mukulu, dilengelela nanku butumbi buende, mudibu ne bua kumpisha kabidi bu muntu udi wenza bibi mbishi?

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.