Osheya 9:17 - MUKANDA WA MYIDI MUKULU

¹⁷ — Mvidi Mukulu wanyi, kena munange kabidi bena Efrayime to, bualu kabena bamuteleja. Nebikale balalakanyi munkatshi mua bisamba bikuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nzambi wanyi neabihate, bualu bua kabakamunvuila; nebikale bena tshiendenda munkatshi mua bisamba bia bantu.

Osheya 9:17 교차 참조

2 Kulondolola 18:13

Kadi muambi Mika kuandamuna ne: — Bu mudi Maweja-Nangila ne muoyi, nemmuambile anu tshidi Mvidi Mukulu wanyi musue.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Nehemya 5:19

“Eyi Mvidi Mukulu wanyi, umvulukeku, bua mudimu onsu undi muenzele bantu aba.”

Misambu 31:14

Ndi ngunwua mudi bantu bangamba bibi. Miaba yonsu idi inkuatshisha bowa. Badi bangelela tshifufu tshibi, bakeba kunshipa.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

Yeshaya 7:13

Nanku Yeshaya kumuamba ne: — Wewe Akaze ne bena diku diebe, ndelanganyi ya Davide, ntelejayi. Nudi nusuya bantu bikole, nudi basue kusuya kabidi ne Mvidi Mukulu wanyi anyi?

Yirmeya 6:30

Badi bamba bantu abu ne: “Tshiamu tshitoke tshivua ne mushinga, tshikadi katshiyi ne mushinga.” Maweja-Nangila mmumane kubabenga.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yirmeya 7:15

Kabidi nennubenge bu mumvua mubenge bana benu, bena Efrayime.”

Osheya 4:10

Nansha bobu badia, kadi kabakuukuta to. Nansha benda tshiendenda, kadi kabakulela to. Bualu mbambenge meme Maweja-Nangila, bua kutendelela mvidie mikuabu.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 7:13

Bena Efrayime mbena diakabi, bualu badi bannyema. mBena dikenga dipite, bualu badi bantombokela. Meme mvua musue kubasungidila, kadi padibu bayukila nanyi, badi bangambila malu a dishima.

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Amosa 9:9

Mpindiewu ndi ntuma diyi: batangalaje bena Izrayele munkatshi mua bisamba bikuabu, bua kubasenga, mudibu basenga ntete, nsoka yonsu mishale mu munyingu.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Zekâya 1:4

Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Yowanane 7:35

Bena Yuda kukonkangana ne: — Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?

Bienzedi 3:23

Muntu yonsu wabenga kuitaba muambi awu, nebamuipate mu tshisamba tshia bantu ba Mvidi Mukulu, bamushipe.”

Dielulula 32:26

“Mvua musue kubutula bena Izrayele bonsu, kabayi mua kubatela kabidi pa buloba.

Dielulula 4:25

Nuenu bamane kushala matuku a bungi mu ditunga edi, didi Maweja-Nangila munulaye, nuenu bamane kulela bana, bapete ne bikulu, kanuenji bibi to. Kanusongi mpingu, kanuzodi bimfuanyi, bia tshintu nansha tshimue. Kanuenji malu mabi makuabu, adi Maweja-Nangila Mvidi Mukulu wenu ubenga, amufikisha munda.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Filipe 4:19

Bilondeshile biuma biende ne butumbi buende, Mvidi Mukulu neanupeshe kudi Yezu Kristu bionsu binudi nukengela.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.