Osheya 5:4 - MUKANDA WA MYIDI MUKULU

⁴ Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bienzedi biabo kabiena bikumbana bua bahingane kudi Nzambi wabo, bualu bua mutshima wa masandi udi munda muabo, kabena bamanye Yehowa.

Osheya 5:4 교차 참조

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Misambu 9:10

Kudi Maweja-Nangila ke kudi bonsu badibu bakengesha banyemena, ke kudibu basokomena diba dia dikenga.

Yirmeya 24:7

Nembapeshe bukole bua kumanyabu ne: meme ndi Maweja-Nangila. Nebapingane kundi ne muoyi wabu mujima. Nanku, nebikale bantu banyi, meme nengikale Mvidi Mukulu wabu.

Yirmeya 50:38

Umishayi mayi mu ditunga, misulu yonsu yume. Bualu ditunga edi nediuwule ne mpingu tente! Bonsu badi bayinemeka, bakadi bajimija lungenyi.

Yirmeya 9:24

Maweja-Nangila udi wamba ne: Dituku nedifike dindi nnyoka bantu bonsu badibu bateka panshi, kadi kabayi badilengeja,

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Osheya 13:13

Nanku, bena Efrayime nebakenge, mudi mukaji ukenga pa kulela. Kadi, muana awu kakuledibua bimpe to. Pakumbana diba dia kumulela, neabenge kupatuka mu difu dia mamuende.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Osheya 4:11

Bundumba ne dikuatshika dia maluvu bidi binyanga lungenyi lua muntu.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Osheya 4:14

Kadi, tshiena nnyoka bana benu ba bakaji, badi benda tshiendenda, nansha bakaji ba bana benu ba balume, badi batomboka ku mabaka. Nennunyoke anu nuenu batuangaji, bualu nuenu mene nudi nuenda tshiendenda ne bana ba bakaji ku luseke. Nudi nuabanyangana bintu bia milambu, ne bakaji bena tshiendenda mu nzubu ya mvidie. Bu mudibu bela lusumuinu ne: “Bantu badi kabayi ne lungenyi, nebabutuke.”

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 7:11

Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Osheya 8:11

Bena Efrayime bavua bavudije bilambuilu, kadi biobi abi bidi bibafikisha ku buenzayi bupite bungi. — Kia! Bilambuilu bidi bifikisha ku bubi! Ke bualu budi muntu mua kumvua anyi? —

Yowanane 16:3

Nebanuenze nanku, bualu kabavua bamanye Tatu, nansha meme.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.