Osheya 5:15 - MUKANDA WA MYIDI MUKULU

¹⁵ Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nenye, nempingane ku muaba wanyi, tô ne hatondabo bubi buabo ne hakebabo mpala wanyi. Mu makenga abo nebankebe ne lukunukunu, bamba ne,

Osheya 5:15 교차 참조

Genese 42:21

Kuambilanganabu ne: — Ee, mbatunyoke mpindiewu, bualu tuvua bakengeshe muakunyetu Yozefe. Yeye kututendakena ulomba luse, tuetu kubenga kumufuila luse. Ke mutudi lelu mu dikenga amu dia momumue.

2 Kulondolola 7:14

padi bantu banyi bena Izrayele, bandi muinyike dina dianyi, badipuekesha, bantendelela, padi bena Izrayele bankeba, balekela bibidilu biabu bibi, Meme Maweja-Nangila, mu diulu mundi, nembateleje. Nembalekele bilema biabu, nengakaje ditunga diabu.

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

Misambu 107:13

Nenku mu dikenga diabu, kubikilabu Maweja-Nangila, yeye kubasungidila mu dikenga.

Misambu 107:19

Nenku mu dikenga diabu, kubikilabu Maweja-Nangila ne mbila mikole, yeye kubasungidila ku dikenga diabu.

Misambu 107:28

Nenku mu dikenga diabu kubikilabu Maweja-Nangila, yeye kubasungidila ku dikenga.

Misambu 107:6

Nenku mu dikenga diabu, kubikilabu Maweja-Nangila yeye kubapandisha ku dikenga.

Misambu 132:14

Kuambaye ne: “Ewu ke muaba wanyi wa kuikishila, ke muaba undi musue kusomba matuku onsu.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 78:34

Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Misambu 83:16

ubipate ne mvula wa tshipupu, ubatshinyishe ne mvunde.

Nsumuinu 8:17

Ndi munange badi bannanga. Badi bankebelamu nebampete.

Yeshaya 18:4

Bualu Maweja-Nangila uvua mungambile ne: “Ndi nsomba muaba wanyi wa tshijila ntangila bionsu bidi bienzeka. Ndi nshala amu talalaa, tshiyi nyungakana, amu bu luya ludi luimane diba dia munya mukole, nansha bu mavuba a mabungi, mu tshikondu tshia dinowa.”

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yeshaya 26:9

Meme kabidi bufuku, ndi nkujinga. Ndi nkukeba ne muoyi wanyi mujima. Pawikala ulumbuluisha, unyoka bantu badi basomba pa buloba, nebamanye mua kusomba bimpe.

Yirmeya 2:27

Nudi nuambila lupingu lua mutshi ne: “Wewe ke tatu wetu!” Nudi nuambila lupingu lua dibue ne: “Wewe ke mamu udi mutulele!” Pa mutu pa nuenu kupingana kundi meme Maweja-Nangila, nudi bangele nyima. Kadi panuapeta dikenga, nenumbikile nuamba ne: “Luaku, utupandishe!”

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yirmeya 3:14

Maweja-Nangila udi wamba ne: Nuenu bana bavua bambenge, pinganayi. Meme ke mfumuenu. Nensungule muntu umue mu tshimenga etshi, bantu babidi mu musoku wawa, bua kubapingaja mu Siyone.

Muadi 3:40

Tudikonkayi menemene bua nsombelu wetu, tupinganayi kudi Maweja-Nangila.

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Yezekiyele 11:23

Pashishe butumbi bua Maweja-Nangila kubuka munkatshi mua tshimenga, kuya kuikila pa mukuna udi luseke ludi diba dipatukila lua Yerushalayime.

Yezekiyele 20:43

Muaba awu nenuvuluke malu enu a kale avua manupishe mikiya. Bundu nebunukuate bua malu mabi onsu anuvua benze.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Yezekiyele 6:9

Nebanwuluke munkatshi mua bisamba mudibu basombela mu bupika. Nebakuluke mumvua mubanyoke, bualu muoyi wabu uvua mumbenge. Bavua banange, batangile anu mvidie ya tshianana. Diba adi nebanyingalale bikole, nebadiwule bua malu mabi avuabu benza.

Yezekiyele 8:6

Mvidi Mukulu kuamba ne: — Yezekiyele, udi mumone bimpe bidi bienzeka ebi anyi? Bena Izrayele badi benza malu mabi mapite adi mua kungumushisha mu muaba wanyi wa tshijila. Kadi, neumone malu mabi makuabu mapite.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Osheya 5:6

Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Mika 1:3

Maweja-Nangila udi upatuka muaba udiye musombe. Udi utuluka, wendela pa mikuna ya buloba.

Dibadika 21:7

Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.

Luke 13:25

“Padi mfumu wa nzubu ujuka bua kukanga tshiibi, nuenu nenuikale pambelu, nukokola ku tshiibi, nuamba ne: ‘Mfumu, utunzuluile!’ Kadi mfumu neanuandamune ne: ‘Tshiena mumanye kunudi nufuma to!’

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.