Osheya 13:8 - MUKANDA WA MYIDI MUKULU

⁸ Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nembabunde bu nkashama udibo banyenga bana bandi, nembahande tô ne ku lukutu lua mutshima; nembafile bu mudi mukashiʼa nyama wa ntambue wenza; nyama wa mu mpata neabahande bihesa.

Osheya 13:8 교차 참조

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Misambu 80:13

Udi mutule lupangu luawu bua tshinyi? Bonsu badi bapita mu njila badi baupopola, bapola tumuma tuawu,

Nsumuinu 17:12

Bidi bimpe kusambakena ne nyama wa lonji uvuabu banyenga bana bende, pa mutu pa kusambakena ne tshidingidingi tshia kalanda-musenga.

Yeshaya 5:29

Bibingu bia mvita bidibu beela kudi bena tshisamba atshi, bidi bu nyama wa ntambue mukaji ukungula, bu nyama wa lonji udila ukuata nyama, uya kumuteka muaba musunguluke, kakuyi udi mua kumunyenga.

Yeshaya 56:9

Nuenu bantu banyi, nuenu nyama ya mu mpata, ne nuenu nyama ya muitu, luayi bonsu mu didia dia disanka!

Yirmeya 12:9

Bantu banyi bakadi bu nyunyi muimpe, udibu bela munkatshi nseke yonsu kudi nyunyi midianganyi anyi? “Bikila nyama yonsu ya muitu! Ifike ku didia dinene!”

Yirmeya 25:38

Maweja-Nangila udi mushiye ditunga diende, mudi nyama wa ntambue ushiya muaba utuye ulala. Ditunga diabu ndiandamuke tshipela, bualu bua mvita mibi, ne bua tshiji tshikole tshivua Maweja-Nangila natshi.

Osheya 2:12

Eyowa, neuwule mukaji awu bilamba, babayende batangile. Muntu kena mua kunkandika to.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.