Osheya 11:8 - MUKANDA WA MYIDI MUKULU

⁸ Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Osheya 11:8 교차 참조

Genese 14:8

Nanku, bakalenga ba bena Sodome ne ba bena Ngomore, ba bena Adma, ba bena Seboyime ne ba bena Bela (badibu babikila kabidi ne bena Soware), kudilongolola bua kuluangana mvita mu tshibandabanda tshia Sidime.

2 Samuele 24:16

Mutumibue wa Maweja-Nangila kuolola tshianza mu tshimenga tshia Yerushalayime bua kutumamu tshipupu. Kadi Maweja-Nangila kubenga. Kuambilaye mutumibue uvua ubutula bantu ne: — Kuajiki, puekesha tshianza! Diba adi, mutumibue wa Maweja-Nangila uvua pabuipi ne muaba uvua Aravna, muena Yebusa, ushipula ntete ya kuenza bukula.

1 Bakalenga 3:26

Kadi mamu muena muana uvua ne muoyi, bu muvuaye munange muanende bikole, kuambaye ne: — Mukalenga wanyi, ndi nkusengelela, kushipi muana. Mupesha nansha mukaji ewu! Kadi mukaji mukuabu kuamba ne: — To! Nukose muana bitupa bibidi, bua tumubule bonsu babidi.

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

2 Kulondolola 36:15

Maweja-Nangila Mvidi Mukulu wa bankambua ba bena Izrayele, uvua munange bikole bantu bende bena Izrayele, munange kabidi ne nzubu wende wa tshijila. Kutumaye bantu misangu ya bungi bua kumanyisha bena Izrayele majinga ende.

Misambu 106:45

Kuvulukaye ndondu wende bu mudiye ne luse, kukudimunaye meji ende.

Yeshaya 16:11

Ke pandi ndidila bena Mowabe, ne kanyinganyinga, ne muadi bu wa lunzenze. Muoyi wanyi udi ujinga Kire-Erese.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yirmeya 18:8

Kadi, padi bena ditunga edi babenga malu abu mabi avua abakebela tshiji kundi, ndi nkudimuna meji amvua nawu, ngumusha makenga amvua mubalongoluele.

Yirmeya 3:12

Nanku, ndi nkutuma bua uye kuela mbila luseke lua ku mutu kua ditunga ne: Wewe Izrayele muena tshiendenda, pingana. Tshiena mukufikile kabidi munda to. Bualu ndi ne luse. Tshiena nshala ne lukuna kashidi to. Meme Maweja-Nangila ndi njadika nanku.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Yirmeya 42:10

“Panuikala bapingana mu ditunga, nengasulule tshisamba tshienu. Tshiakutshibutula to. Nentshishindike tshiasa miji. Tshiakutshitula to. Nanku, nennyingalale bua dikenga dimvua munutumine.

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Yirmeya 9:7

Ndimi ya bantu aba, idi anu bu mikete ya kushipangana nayi. Badi bamba anu malu a dishima. Badi bambila bantu nabu meyi mimpe. Kadi munda muabu badi bela meji mudibu mua kubakuata mu buteyi.

Muadi 1:20

Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Muadi 3:33

Kena usanka padiye unyingalaja bantu, nansha padiye ubatatshisha.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Yezekiyele 6:9

Nebanwuluke munkatshi mua bisamba mudibu basombela mu bupika. Nebakuluke mumvua mubanyoke, bualu muoyi wabu uvua mumbenge. Bavua banange, batangile anu mvidie ya tshianana. Diba adi nebanyingalale bikole, nebadiwule bua malu mabi avuabu benza.

Osheya 6:4

Kadi Maweja-Nangila udi unukonka ne: “Bena Efrayime, nennuenzele tshinyi? Bena Yuda, nennuenzele tshinyi? Dinnanga dienu didi dijika lukasa, bu mudi dibungi dia mu dinda, nansha bu mudi lumuma, ludi luuma amu mpindiewu.

Osheya 7:1

dituku dindi nkeba kuondapa bena Izrayele, bubi bua bena Efrayime ne tshikisu tshia bena Samariya, bidi bimueneka tshiakabidi. Bualu badi badinga bantu, biba bintu biabu mu nzubu. Badi bakengeshangana mu njila.

Amosa 4:11

Meme mvua munyangakaje misoku mijima, mumvua muenze kale mu Sodome ne Ngomore. Nuenu kupatukamu amu bakese, bu tshishelele tshia lukunyi, tshidibu bapatule lukasa muiku. Kadi kanuena bapingane kundi. Meme Maweja-Nangila ndi ngamba nanku.

Amosa 7:3

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Amosa 7:6

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Mika 5:3

Yeye ke mfumu uvuabu babalaye. Nealombole bantu bende ne muoyi mukole. Nealeje bukole buende, ne butumbi bua Maweja-Nangila, Mvidi Mukulu wende. Bantu ba tshisamba tshiende nebasombe mu ditalala, bualu nebitabe bumfumu buende too ne ku nshikidilu kua buloba.

Sefanya 2:9

Meme Maweja-Nangila wa bukole buonsu, Mvidi Mukulu wa bena Izrayele, ndi nditshipa ne: bu mundi ne muoyi, ndi njadika bulelela ne: nebabutule ditunga dia bena Mowabe ne dia bena Amone, bu muvuabu babutule tshimenga tshia Sodome ne tshia Ngomore. Buloba buabu nebushale tshipela tshiendelele. Nemuikale amu meba ne bina bia luepu. Bantu banyi badi bashale ne muoyi, nebafike bua kubapawula, ne bua kukuata ditunga diabu.”

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Dielulula 29:22

“Ditunga dijima edi ndimane kunyanguka ku kapia, kabidi ne luepu. Kakuena mushindu wa kumiaminamu nansha wa kukunamu biakudia. Nansha bisosa mene kabiena bitolokamu. Bualu ditunga edi ndifuanangane ne bimenga bia Sodome ne Ngomore, Adma ne Seboyime, bivua Maweja-Nangila mubutule pawaye ne tshiji tshikole.”

Dielulula 29:23

Nanku, bantu ba bisamba bikuabu bionsu, pamonabu bualu ebu, nebakeme, bebejangana ne: “Maweja-Nangila uvua ne tshiji tshikole nanku bua tshinyi? Uvua mukengeshe bena ditunga edi mushindu ewu bualu kaayi?”

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

2 Petro 2:6

Mvidi Mukulu uvua mufundile tshimenga tshia Sodome ne tshia Ngomore tshibawu. Uvua mubinyoke, mubibutule ne kapia. Ke mudiye uleja bantu babi bidi ne bua kubenzekela.

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

Didimanyisha 11:8

Bitalu biabu nebishale panshi mu musesu wa mu tshimenga tshinene, muaba uvuabu bapopele Mfumu wabu pa mutshi mutshiamakane. Tshimenga etshi badi batshifuanyikija dina ne: Sodome, nansha ne: Ejipitu.

Didimanyisha 18:18

Bavua bela bibingu, pavuabu bamona muinshi wa kapia kavua kosha tshimenga, bamba ne: “Kakuvua tshimenga tshifuanangane ne tshimenga tshinene etshi to!”

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.