Obadya 1:18 - MUKANDA WA MYIDI MUKULU

¹⁸ Ndelanganyi ya Yakobe ne ya Yozefe neyikale bu kapia. Neyoshe ndelanganyi ya Esawu, bu mudibu bosha bisosa. Nebababutule bonsu, kakuyi muntu ushala ne muoyi. Meme Maweja-Nangila, ndi ngamba nanku.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bena Yakoba nebikale kahia, ne Bena Yosefe nebikale ludimi lua kahia, ne Bena Esau nebikale bisonsa, ne bobo nebaboshe, nebabashidishe, kakuena muntu umuehele washala kudi Bena Esau, bualu bua Yehowa nguakuamba dî edi.

Obadya 1:18 교차 참조

2 Samuele 19:20

umuambila ne: — Mukalenga, kunsombuedi bua bubi buanyi! Kuvuluki bibi bionsu bimvua mukuenzele, dituku diuvua umuka mu Yerushalayime. Kuntekedi lukuna to.

Ekesode 5:12

Bena Izrayele kumuangalaka mu Ejipitu, benda badikebela bisosa.

Yeshaya 10:17

Maweja-Nangila, butoke bua bena Izrayele, neikale bu kapia, kadi kosha meba ne mingonga, kabibutula dituku dimue.

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Yeshaya 47:14

Kapia nekaboshe bu bisosa. Ndimi ya kapia neibabutule. Kakakuikala kapia ka makala makese, kadibu mua kuosha diampa, nansha tshiota tshia nkunyi mikese, idibu mua kuota to!

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yeshaya 9:18

Tshiji tshia Maweja-Nangila muena bukole buonsu, tshidi bu kapia kadi kosha ditunga. Bantu ba mu ditunga badi bapia bu nkunyi, muntu nansha umue kena utangila muanabu to.

Yeshaya 9:19

Badi bangata bintu ku dia balume, nzala yabu kayiyi ijika. Badi bangata binga ku dia bakaji, kabayi bukuta. Muntu yonsu udi ubutula mukuende.

Yirmeya 11:23

Mu musoku wa Anatote kamuakushala muntu ne muoyi tshikondu tshinganunyoka, tshinganukengesha.”

Yezekiyele 37:16

— Yezekiyele, angata tshitupa tshia dibaya, ufundepu miaku eyi: “Yuda ne bena Izrayele badi mu bukalenga ebu.” Pashishe wangata tshitupa tshia dibaya tshikuabu, ufundepu ne: “Yozefe (nansha Efrayime) ne bena Izrayele ba mu bukalenga ebu.”

Yezekiyele 37:19

Ubandamune ne: “Maweja-Nangila udi unumanyisha ne: Ndi ngangata tshitupa tshia dibaya tshidi tshileja Yozefe ne bena Izrayele badi mu bukalenga buende, bua kutshituangaja ne tshidi tshileja Yuda ne bena Izrayele badi mu bukalenga buende. Nebituangane mu tshianza tshianyi, bishale tshintu tshimue.”

Yowele 2:5

Idi itupika ku mukuna, iya ku munga, yela tshiona bu tshia matempu a mvita, bu tshia kapia kadi kosha bisosa biume. Idi bu tshiluilu tshikole, tshidi tshiela mualu wa mvita.

Amosa 1:8

Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Amosa 6:6

Nudi nunuina maluvu mu makopu manene. Nudi nudilaba pambidi mafuta a dipembu dimpe. Kadi kanuena nunyingalala bua bisamba bia Yozefe, bidi biamba kubutuka.

Obadya 1:16

“Nuenu bena Izrayele, mvua mununyoke, pa mukuna wanyi wa tshijila, mununuishe dikopu dia tshiji tshianyi. Nanku bisamba bikuabu, nembinuishe kabidi dikopu adi. Nebikenge anu kukenga, too ne muabutukabi butubutuu.

Mika 5:8

“Eyowa, luisha baluishi bebe, ubashipe, ubasunsule!

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Zekâya 12:6

Dituku adi, nengenze bamfumu ba bena Yuda, bu tshikutu tshia kapia mu ditu, nansha bu tshikunyi tshia kapia muinshi mua bisumbu bia miepu ya ntete ya kuenza bukula. Nebabutule nseke yonsu bisamba bidi bibanyunguluke. Kadi bena mu Yerushalayime nebasombe amu mu tshimenga tshiabu.

1 Korente 3:12

Bamue badi babandisha pa tshitaku atshi bimana bia mpawungi, nansha bia tshiamu tshitoke tshia mushinga mukole, nansha bia mabue a mushinga mukole. Bakuabu badi babibandisha bienza ne mabaya, nansha ne mitshi, nansha ne nsona mene.