Obadya 1:11 - MUKANDA WA MYIDI MUKULU

¹¹ Nuvua bamone, muvua baluishi batshimuna bana benu, babuela mu tshimenga tshiabu. Pavua baluishi batshinka, babanyangana bubanji bua mu Yerushalayime, nuenu kabidi nuvua benza momumue.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu dituku adi diwakimana mutangilangane nʼabo, dituku adi mene diakaya bantu ba bende ne bmtu biandi kuabo, ne ba mu bisamba bia bende bakabuela ku bibi biandi, bakela nshobo bua bintu biakahaulabo mu Yelushalema, wewe mene wakadi bu umue wabo.

Obadya 1:11 교차 참조

2 Bakalenga 25:11

Pashishe, bantu bonsu bavua bashala mu Yerushalayime, Nebuzaradane kuya nabu ku Babilone: bonsu kudifila kudi mukalenga wa bena Babilone, kabidi ne bena midimu ya bianza, batshivua bashale.

Misambu 137:7

Maweja-Nangila, kupangi kuvuluka malu avua bena Edome benze, dituku divuabu bakuate Yerushalayime: bavua bela mbila ne: “Butulayi tshimenga, tshibutulayi ne ku bitaku biatshi!”

Misambu 50:18

Udi umvuangana ne muivi yonsu uudi umona, udia bulunda ne badi banyanga mbanza ya bende.

Misambu 83:5

Badi bambilangana ne: “Tuyayi, tubabutule, bua kabikadi ne tshisamba tshia bantu, bua kabatedi kabidi dina dia bena Izrayele tshiendelele!”

Misambu 83:6

Badi bakonkangana meji, bumvuangana bonsu, bua kutua ndondu wa kukuenzela bibi.

Yezekiyele 35:10

“Nuenu bena Edome nuvua nufuuna ne: ‘Netudie bukalenga mu Izrayele ne mu Yuda. Nebikuate matunga abidi aa, nansha Maweja-Nangila usombamu.’

Yowele 3:3

Nengenze malu a kukema mu diulu ne pa buloba. Nekuikale mashi, kapia, ne mavuba a muinshi.

Amosa 1:6

Teleja tshidi Maweja-Nangila wamba ne: “Ndi ndumbuluisha bena Peleshete ba mu Ngaza, mbapishe bua malu mabi mavule, kadi nangananga, bualu mbakuate bantu bonsu mu misoku mivule, baye nabu, babasumbishe mu bupika kudi bena Edome. Nanku tshiena mua kubafuila luse! Nenkumbaje bindi mujadike ne:

Amosa 1:9

Telejayi tshidi Maweja-Nangila wamba ne: “Ndi ndumbuluisha bena Fenisiya ba mu Tire, mbapisha bua malu mabi mavule, kadi nangananga, bualu kabavua bavuluka ndondu uvuabu batue ne bena Izrayele. Mu misoku mivule mbakuate bantu bonsu, baye nabu, babasumbishe kudi bena Edome. Nanku tshiena mua kubafuila luse! Nenkumbaje bindi mujadike ne:

Nahume 3:10

Nansha bikale nanku, baluishi kukuata tshimenga, kuya ne benatshi mu bupika. Kushipelabu ne bana mene, ku mielelu ya misesu yonsu. Kusuikabu bamfumu bonsu nkanu. Bavua batshimuna, kuabanyanganabu bakulu ba tshimenga, bangata ewu bende ewu bende.

Sefanya 2:10

Ke muakabanyokabu, bualu bavua baditambisha, bapenda bantu ba Maweja-Nangila wa bukole buonsu, bamba ne: netununyenge buloba bua kudiundisha buetu.