Obadya 1:10 - MUKANDA WA MYIDI MUKULU

¹⁰ “Nuvua baluishe bana benu, ndelanganyi ya Yakobe babashipe, bapawule bintu biabu. Nanku bundu nebunukuate. Nebanubutule kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bua tshimbambila tshiwakenzela muanʼenu Yakoba, bundu nebukukuate, ne neubutudibue tshiendelele.

Obadya 1:10 교차 참조

Genese 27:11

Yakobe kuandamuna mamuende Rebeka ne: — Esawu udi ne miosa ya bungi pambidi. Kadi meme tshiena nayi to.

Genese 27:41

Esawu kufika munda bikole bua lupemba luvua Yakobe mumunyenge. Kuambaye ne: “Tatu mumane kufua, tuetu batangalaje madilu ende, nenshipe muakunyanyi Yakobe.”

2 Kulondolola 28:17

Bualu, bena Edome bavua baluisha tshiakabidi bena Yuda, bakuate bantu, baye nabu mu bupika.

Misambu 109:29

Bua badi bansonguela, lumu luabu lupuke bu kazaku, bafue bundu bu muntu mudibuikile tshilamba!

Misambu 132:18

Nemfuishe baluishi bende bundu, tshifulu tshia bukalenga netshikenke ku mutu kuende.”

Misambu 137:7

Maweja-Nangila, kupangi kuvuluka malu avua bena Edome benze, dituku divuabu bakuate Yerushalayime: bavua bela mbila ne: “Butulayi tshimenga, tshibutulayi ne ku bitaku biatshi!”

Misambu 69:7

Maweja-Nangila, Mvidi Mukulu wa bukole buonsu, kufuishi bantu badi batekemena kuudi bundu. Mvidi Mukulu wa Izrayele, kuyi ungambuluisha, bantu bonsu aba nebakuangate bibi.

Misambu 89:45

Wewe kumunyenga bukole buende, kutonkola nkuasa wende wa bukalenga panshi.

Nsumuinu 10:6

Bantu badi bavuluka Mvidi Mukulu, badi badikebela diakalenga, kadi mukana mua bantu babi mudi mvita.

Nsumuinu 17:5

Muntu udi useka bapele udi useka Mvidi Mukulu udi mubafuke. Muntu udi usanka padi dikenga dikuata mukuabu nebamunyoke.

Yirmeya 12:14

Maweja-Nangila udi wamba ne: Bavua mutumba ne bantu banyi kabavua ne bundu to. Bavua banyanga ditunga dijima dimvua mupeshe bantu banyi bena Izrayele bua kashidi. Nanku nengipate bena mutumba aba mu ditunga diabu. Kadi nansha bena Yuda nembipate kabidi!

Yirmeya 3:25

Tulalayi panshi bua bundu. Bundu butubuikile! Bualu tudi benzele Maweja-Nangila Mvidi Mukulu wetu bibi, ne tuetu ne baledi betu. Biangatshile ku buana buetu too ne mpindiewu, katuena bateleje bivua Maweja-Nangila Mvidi Mukulu wetu mutuambile.

Yirmeya 49:13

Ndinditshipane: Bu mundi Mvidi Mukulu, tshimenga tshiebe tshikulu tshia Bosra netshikale tshipela tshidi tshikuatshisha bantu bowa. Netshikale dikolu, muaba udibu batela bu tshilejilu padibu bela mulawu. Bimenga bidi mutumba ne Bosra nebibutuke tshiendelele.” Ke mudi Maweja-Nangila muambe nanku.

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Muadi 4:21

Nusanke, nutshionkomoke nuenu bena Edome, nuenu badi basomba mu ditunga dia Use! Kadi dikopu dia tshiji nedifike kunudi nuenu kabidi! Nenudinue! Nedinukuate! Nenusombe butaka!

Muadi 4:22

Nuenu bena Siyone, tshibawu tshienu tshionsu ntshijike. Kabena baya nenu kabidi mu ditunga dia bende nansha. Kadi nuenu, bena Edome, Maweja-Nangila neanunyoke bua bilema bienu, neasokolole malu enu mabi.

Yezekiyele 35:9

Nenshiye ditunga dienu tshipela kashidi. Muntu kakusomba kabidi mu bimenga bienu to. Nanku nenujadike ne: meme ndi Maweja-Nangila.

Yezekiyele 7:18

Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Dielulula 23:7

Nanku kanuena mua kumvuangana ne bena Amone ne bena Mowabe kashidi tshiendelele. Kanuena mua kubakebela diakalenga too ne kashidi.

Dielulula 23:8

Kanupepeji bena Edome, bualu mbana benu. Kanupepeji kabidi bena Ejipitu, bualu nuvua basombe mu ditunga diabu.