Nsumuinu 8:13 - MUKANDA WA MYIDI MUKULU

¹³ Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Nsumuinu 8:13 교차 참조

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Misambu 101:3

Tshiena mua kuteka tshintu tshibi ku mesu kuanyi. Ndi mubenge nsombelu wa bantu babi, kena mua kundamata.

Misambu 119:104

Lungenyi luanyi ludi lufuma ku mikenji yebe, ke pandi mbenga malu onsu a dishima.

Misambu 119:128

Mikenji yebe yonsu ndi nyimona miakane, ndi mubenge malu onsu a dishima.

Misambu 138:6

Maweja-Nangila udi mulu mu diulu kadi udi umona bapuekele, umanya bena ditambisha pa bule.”

Misambu 97:10

Nuenu badi banange Maweja-Nangila, nukine malu mabi. Maweja-Nangila udi ulama mioyi ya badi bamulamata, udi ubapandisha kudi bantu babi.

Ekesode 1:17

Kadi baleleshi bavua batshina Mvidi Mukulu. Nanku kubengabu diyi dia mukalenga wa bena Ejipitu. Kulekelabu bana ba balume ne muoyi.

Nsumuinu 10:31

Mukana mua muntu muakane mudi mupatuka meji. Kadi ludimi lua muena dishima mbimpe balukose.

Nsumuinu 15:9

Maweja-Nangila udi udiwula nsombelu ya bantu babi. Kadi udi unanga badi balonda njila ya buakane.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 16:5

Maweja-Nangila udi udiwula bantu badi baditambisha. Bushuwa neabanyoke kamuyi mpata.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Nsumuinu 4:24

Mukana muebe kamupatuki miaku ya dishima. Mishiku yebe kayambi miaku ya didinga.

Nsumuinu 6:12

Muntu udi ne biakulakula mukana muende, mmuntu tshianana, mmuenzavi.

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Amosa 6:8

Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

1 Tesalonike 5:22

Bengayi malu mabi a mishindu yonsu.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

1 Samuele 2:3

Kanuakudi meyi a bungi bua kuditambisha, kanuakudi kabidi nansha a kapeja. Bualu Maweja-Nangila udi Mvidi Mukulu, mmumanye bionsu, ulumbuluisha bantu bua bionsu bidibu benza.