Nsumuinu 31:22 - MUKANDA WA MYIDI MUKULU

²² Udi ukuma biata bia kuteka panshi, uvuala bilamba bimpe bia buanda bua ndanda bukunzubile.

Mukanda wa Nzambi Dihungila Dikulukulu ne Dihungila Dihia-dihia 2003

²² Udi udikumina bilulu bia ha bulalu; bivualu biandi bidi bia lin bia mushinga mukole ne bikunzubile.

Nsumuinu 31:22 교차 참조

Genese 41:42

Ke mukalenga kukopola kakanu kende ka bukalenga, kukela Yozefe ku munu. Ku-muvuadikaye ne tshilamba tshinefuke tshia ndanda. Kumuelaye bilengejilu bia mpawungi mu nshingu.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Nsumuinu 7:16

Nkadi muakaje bulalu buanyi ne mbulankete ya bilamba bia makalumakalu, ne bilamba bia buanda bua ndanda bia mu Ejipitu.

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

1 Petro 3:3

Kanukebi kudilengeja amu pambidi, bu munudi nulukisha nsuki, nuvuala bilengejilu bia mpawungi, nansha bilamba bimpe.

Didimanyisha 19:14

Biluilu bia mu diulu bivua bimulonda pa tubalu tutoke, bivuale bilamba bienza ne buanda buimpe bua ndanda mutoke, kabiyi katoba.

Didimanyisha 19:8

Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Balombodi 8:26

Tukanu tuonsu tua mpawungi tuvua Ngideyone mulombe, tuvua ne bujitu bua kilo bu makumi abidi. Ngideyone kupeta kabidi bilengejilu bikuabu, tukanu tua ku matshi, bilamba bimpe bikunze, bivua bakalenga ba bena Madiyane bavuale, ne nkanu ya mu nshingu, ivuabu balengeja nayi tumelu tuabu.