Nsumuinu 3:25 - MUKANDA WA MYIDI MUKULU

²⁵ Kuakutshina malu adi akuenzekela mu mpukapuka, nansha bantu babi badi bakuluisha.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kutshinyi buowa budi bulua kûdi lukasa, anyi kubutuka kua bantu babi hafikaku kudibo.

Nsumuinu 3:25 교차 참조

Misambu 112:7

Kena utshina ngumu mibi; udi ne muoyi mukole, udi weyemena Maweja-Nangila.

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Misambu 91:5

Kuena mua kutshina tshintu nansha tshimue, nansha njiwu idi ikuatshisha bantu bowa butuku, nansha muketa udibu bela mu munya,

Nsumuinu 1:27

Bualu dituku dikuabu dikenga nedinukuate bu mvula wa tshipupu. Bowa nebunuenze bu tshipepela tshia mvunde. Lutatu ne dipampakana nebinutatshishe bikole.

Yeshaya 54:14

Kuakutenkakana kabidi to. Kuakutshina kabidi tshintu to. Kabakukukengesha kabidi. Kuakukuatshika bowa. Muntu kakukutshinyisha nansha.

Mika 4:4

Kadi yonsu neadime talala budimi buende bua mvinyo ne bua mitshi ya olive. Kakuena muntu nansha umue, udi ukuatshisha mukuabu bowa.” Maweja-Nangila wa bukole buonsu udi wamba nanku.

Zekâya 9:8

Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Matayi 24:6

Nenumvue mutoyi wa myita ya pabuipi, ne ngumu ya myita ya kule. Kadi kanutshinyi to. Ebi bionsu bidi ne bua kuenzeka; kadi ki nshikidilu wa buloba to!

Marke 4:40

Pashishe Yezu kubakonka ne: — Nudi ne bowa nenku bua tshinyi? Kanuena ne ditaba anyi?

Luke 21:9

Panumvua bantu bakula bua mvita ne buntomboji, kanutshinyi to. Malu aa adi ne bua kuenzeka bangabanga. Kadi nshikidilu wa buloba kakuikalaku diakamue to.

Yowanane 14:1

Yezu kuambila balongi bende ne: — Kanupampakanyi. Itabayi Mvidi Mukulu, nungitabe ne meme kabidi.

1 Petro 3:14

Nudi amu bena diakalenga, nansha banukengesha bua malu mimpe anudi nuenza. Kanutshinyi bantu. Kanupampakanyi.