Nsumuinu 29:24 - MUKANDA WA MYIDI MUKULU

²⁴ Udi umvuangana ne muivi udi udienzela bibi. Udi mumanye diakabi didiye mua kupeta, kadi kena musue kuamba bualu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Udi wabanyangana ne muibi udi ukina muoyo wandi mene, udi unvua mei a mulau hamutshihishabo, kena usokolola bualu.

Nsumuinu 29:24 교차 참조

Nsumuinu 15:32

Muntu udi kayi musue kulonga malu, neadikengeshe yeye nkayende. Kadi udi uteleja mibelu neasombe biakane.

Nsumuinu 20:2

Mudibu batshina nyama wa ntambue udi ukungula, ke mudibu ne bua kutshina mukalenga udi mufike munda. Muntu udi ujula tshiji tshia mukalenga udi udikebela njiwu.

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Nsumuinu 8:36

Kadi muntu udi ungenzela malu mabi, udi udienzela bibi yeye nkayende. Udi unkina, mmunange lufu.”

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Lewitiki 5:1

“Padibu babikila muntu kampande kudi balumbuluishi bua kujadika bualu budiye mumvue nansha mumone ne mesu, kadi yeye ubenga bua kujadika bualu abu, mmuena tshibawu.

Marke 11:17

Pashishe kubalongeshaye wamba ne: — Mu Mukanda wa tshijila mbafunde ne: “Nebabikile nzubu wanyi ne: nzubu udi bantu ba bisamba bionsu mua kutendelela.” Kadi nuenu nudi bamuenze muaba udi bivi mua kusokomena!

Balombodi 17:2

Dituku dikuabu Mika kuambila mamuende ne: — Uvuluke ne: bavua bakuibe nkanu ya tshiamu tshitoke tshia mushinga mukole tshinunu ne lukama. Wewe kutshipa muivi awu, meme muteleje. Kadi meme ndi ne nkanu ayi. Meme ke uvua muyangate. Mamuende kumuambila ne: — Muananyi, Maweja-Nangila akuele lupemba.

1 Samuele 20:2

Yonatane kuandamuna ne: — Nansha kakese. Kuena mua kulua to. Tatu kena muanji kuenza bualu nansha bumue, kayi muanji kubungambila. Kadi, uvua munsokoke bualu buudi wamba abu bua tshinyi? Kabiena mua kuenzeka to.