Nsumuinu 28:20 - MUKANDA WA MYIDI MUKULU

²⁰ Muntu wa muoyi umue mmuena diakalenga. Kadi udi uzukila amu bua kupeta biuma, kakupanga dinyoka nansha.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muntu udi mua kueyemenyibua neavudishibue ne masanka a bungi, kadi udi ne lukuluku bua kudivuisha mubanji kena ubinga.

Nsumuinu 28:20 교차 참조

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Misambu 101:6

Mu ditunga nentangile muntu undi mua kutekemena, bua kusombaye nanyi muaba umue; ne muntu udi ne nsombelu muimpe, neangambuluishe mu mudimu.

Nsumuinu 10:6

Bantu badi bavuluka Mvidi Mukulu, badi badikebela diakalenga, kadi mukana mua bantu babi mudi mvita.

Nsumuinu 13:11

Biuma bipeta mu tshipututuku bidi bijimina lukasa. Kadi bidibu bangule ku kakese ku kakese bidi bienda bivulangana.

Nsumuinu 17:5

Muntu udi useka bapele udi useka Mvidi Mukulu udi mubafuke. Muntu udi usanka padi dikenga dikuata mukuabu nebamunyoke.

Nsumuinu 19:2

Muaba udi kauyi dimanya, disuminyina kadiena ne bua nsongu. Kudia lukasa nkupia mukana.

Nsumuinu 20:21

Muntu udi wangula biuma lukasa ku ntuadijilu, kakulubuluka nabi ku ndekelu to.

Nsumuinu 20:6

Bantu ba bungi badi badisua, badiamba mudibu ne muoyi muimpe. Kadi bidi bikole menemene mua kupeta muntu wa nanku.

Nsumuinu 23:4

Kuipatshidi biuma. Kuteki nansha meji ebe koku.

Nsumuinu 28:22

Muena lukuka udi ukeba kunema lukasa, kadi kena mumanye ne: udi udikebela bupete.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

Luke 16:1

Yezu kuambila balongi bende ne: — Muena biuma kampanda uvua ne mumulaminyi wa bintu. Bantu kuambila muena biuma ewu ne: mukulaminyi wa bintu udi utulakaja bintu biebe.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

1 Samuele 22:14

Akimeleke kuandamuna ne: — Mukalenga, munkatshi mua bena mudimu bebe, mudiku muntu mukuabu udi mukulamate bu mudi Davide anyi? Davide udi muku webe, kabidi udi mfumu wa bena mvita badi bakulama. Bantu bonsu badi mu nzubu muebe, badi bamutumbisha bikole.