Nsumuinu 24:19 - MUKANDA WA MYIDI MUKULU

¹⁹ Kukebi kufuilakana ne bantu babi. Kujingi mua kuidikija malu a benji ba bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kudinyengabashi bua benji ba malu mabi, kuikadi ne bantu babi mukau.

Nsumuinu 24:19 교차 참조

Misambu 1:1

Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Misambu 119:115

Nuenu bena malu mabi umbukayi muaba undi, ndi musue kulonda meyi a Mvidi Mukulu wanyi.

Misambu 37:1

Musambu wa mu mukanda wa misambu ya Davide. Lekela kubaba bantu babi, kutekedi badi benza bibi lubabu.

Misambu 73:3

Mvua mbaba bantu badi baditambisha, bavila Mvidi Mukulu, bualu badi bapeta dikasa dimpe mu malu abu onsu.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Nsumuinu 23:17

Kuena mua kuidikija malu adi bantu babi benza. Kadi utshine Maweja-Nangila matuku onsu.

Nsumuinu 24:1

Kuikadi ne muoyi wa kuidikija bantu babi. Kujingi mua kuendakana nansha nabu.

Nsumuinu 24:18

Maweja-Nangila yeye mukumone wenza nanku, kakuanyisha to. Bumue kakunyoka kabidi muluishi webe awu to.

Dibadika 16:26

Kuambilaye bantu bonsu ne: — Umukayi ku ntenta ya bena buenzavi aba. Kanulengi tshintu tshiabu nansha tshimue to. Tshianana nudi mua kufua kabidi bua mibi yabu yonsu.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Didimanyisha 18:4

Pashishe meme kumvua diyi dikuabu difuma mu diulu, diamba ne: “Bantu banyi, umukayi mu tshimenga etshi, bua bubi buatshi kabunulamatshi, kabanunyoki pamue natshi.