Nsumuinu 24:13 - MUKANDA WA MYIDI MUKULU

¹³ Udie buitshi, muananyi, bualu buitshi mbusheme mukana, kabidi budi bukolesha mubidi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Muanʼanyi, udie buitshi, bualu bua budi buimpe, mamata a buitshi adi mashemakane mukana muebe.

Nsumuinu 24:13 교차 참조

Misambu 119:103

Pandi ngumvua malongesha ebe, ndi ngamona masheme mapite buitshi.

Misambu 19:10

Kunemeka Maweja-Nangila nkuakane, tumunemeke kashidi. Maweja-Nangila udi ukosa nsambu pa yoyi, kabayi mua kumudinga.

Nsumuinu 16:24

Miaku mimpe idi bu buitshi, budi busheme mukana, biengelela mubidi.

Nsumuinu 25:16

Pawikala mupete buitshi, kutambi kubudia. Wewe mupitshishe kubudia, neuvue kubuluka.

Nsumuinu 25:27

Ki mbimpe kudia buitshi kupitshisha, nansha kukeba lumu kuela ne nseka.

Nsumuinu 27:7

Muntu muukute udi ubenga nansha buitshi. Muena nzala udi udia bionsu, ne bidi ne bululu mene.

Musambu wa Solomo 4:11

Mubangila wanyi, mishiku yebe idi imatshisha buitshi. Buitshi ne mabele bidi muinshi mua ludimi luebe. Mupuya wa bilamba biudi muvuale, udi bu wa mitshi yonsu misanga ya mu Lebanone.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 7:15

Muana neanue mabele, neadie buitshi, too ne diba diamanyaye mua kusunguluja bualu buimpe ne bubi.

Matayi 3:4

Yowanane uvua uvuala bilamba bia miosa ya nyama wa kamelu, usuika mukaba wa tshiseba mu tshimonu. Uvua udia mpasu ne buitshi bua muitu.

Balombodi 14:9

Shimeshone kupatula buitshi, kuteka mu bianza, wenda udia mu njila. Pashishe, kufikaye muaba uvua tatuende ne mamuende. Kubapeshaye buitshi abu bua kudiabu. Kadi kena mubambile ne: buitshi ebu, ndi mubupatule munda mua nyama wa ntambue undi mushipe awu to.

1 Samuele 14:27

Kadi Yonatane kavua mumanye ne: tatuende Shawule mmuenzeje bantu bua kuditshipabu to. Nanku, Yonatane kuolola dikombu divuaye nadi, kutua lusongu lua dikombu mu buitshi, kuelaye buitshi mukana. Ke muisu kubutama, dipungi kujika.