Nsumuinu 23:17 - MUKANDA WA MYIDI MUKULU

¹⁷ Kuena mua kuidikija malu adi bantu babi benza. Kadi utshine Maweja-Nangila matuku onsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mutshima webe kaukuatshidi bantu babi mukau, kadi wikale biau ne ditshina dia Yehowa dinda tô ne ku dilolo.

Nsumuinu 23:17 교차 참조

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Nsumuinu 15:16

Mbimpe kuikala mupele udi uvuluka Maweja-Nangila, pa mutu pa kuikala muena biuma, kadi muikale ne dipampakana.

Nsumuinu 24:1

Kuikadi ne muoyi wa kuidikija bantu babi. Kujingi mua kuendakana nansha nabu.

Nsumuinu 24:19

Kukebi kufuilakana ne bantu babi. Kujingi mua kuidikija malu a benji ba bibi.

Nsumuinu 24:21

Muananyi, unemeke Maweja-Nangila, unemeke ne mukalenga kabidi. Kubuelakanyi ne bantu badi basue kukudimuna malu onsu.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Nsumuinu 3:31

Kubabi bantu babi, kuidikiji mudibu benza.

Muambi 5:6

Miaku ya bungi kayena ikumbaja bualu, mudi bilota bivule kabiyi bileja bualu. Nanku enza anu muebe muonsu bua unemeke Mvidi Mukulu.

Muambi 5:7

Kukemi bua paudi mumone bakengesha bapele mu ditunga, kabayi bakosa nsambu yabu pa yoyi. Bualu muntu udi ne muanzu munene, kakupeta tshilumbu, bualu badi bamulame kudi munga udi ne muanzu munene mupite. Bobu babidi kabidi kabakupeta tshilumbu, bualu badi babalame kudi banga badi babapite ku muanzu.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.