Nsumuinu 23:10 - MUKANDA WA MYIDI MUKULU

¹⁰ Kutentudi mikalu ya kale bua wewe kunyenga bana ba nshiya lupangu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kumushi mukalu wa kale; kubuedi mu madimi a bana ba nshiya.

Nsumuinu 23:10 교차 참조

Yobe 22:9

Uvua muipate bakaji bankamba bumuke bianza bitupu. Uvua mukengeshe bana ba nshiya, muibe bintu biabu.

Yobe 24:9

Badi banyafula muana nshiya ku dibela dia mamuende. Badi banyenga bapela tshinkutu ku bukole bu tshieya.

Yobe 6:27

Nudi mua kutshinka bua kupeta muana nshiya, kumushintakaja ne mulunda wenu wa pa muoyi.

Misambu 94:6

Badi bashipa mukaji mukamba ne muenyi, bashipa bana ba nshiya.

Ekesode 22:22

Bualu bobu badile, bambikile, nembateleje.

Nsumuinu 15:25

Maweja-Nangila udi ubumbula nzubu wa muena ditambisha, kadi udi ulama lupangu lua mukaji mukamba.

Nsumuinu 22:28

Kutentuludi mukalu wa kale uvua bankambua bebe bela bua kuleja bunene bua lupangu.

Yirmeya 22:3

Udi wamba ne: Nukose tshilumbu tshionsu amu pa tshiotshi. Nupatule bantu badibu bakengesha mu bianza bia bantu badi biba bintu biabu. Kankengeshi muena tshimuangi, kanunyengi tshintu tshia muana nshiya, nansha tshia mukaji mukamba. Lekelayi kushipa mwaba ewu bantu kabayi ne bualu.

Yirmeya 7:5

Kadi, nulongolole nsombelu yenu, enzayi malu mempe. Nukose tshilumbu tshia bantu babidi pa tshiotshi.

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Zekâya 7:10

Kanukengeshi bakaji bakamba, bana ba nshiye, benyi nansha bapele. Kanuedi meji nansha makese, a kuenzelangana bibi.”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Dielulula 19:14

Panuafika mu ditunga didi Maweja-Nangila Mvidi Mukulu wenu munupe, nuenu bamane kupeta miaba ya kusomba, mikalu ne bena mutumba nenu bavua badianjile kuasa muaba awu, ishale anu mushindu unuvua bayisangane, kanuyi nudiundisha buloba bunuvua bapete.

Dielulula 27:17

“Muntu yonsu udi udiundisha lupangu luende, utentamuna mikalu ne muena mutumba, asangane muena tshibawu kuenza anyi?” Bonsu ne: “Enze!”

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.